Vıse-mınıstrdiń aıtýynsha, 2025 jyly stýdentterdi jataqhanamen qamtý maqsatynda 10 740 orynǵa arnalǵan 31 jataqhanany iske qosý josparlanǵan.
Vedomstvo deregine sáıkes, jyl basynan beri 8 757 oryndyq 26 jataqhana paıdalanýǵa berilgen. Al jyl sońyna deıin qosymsha 1 983 orynǵa arnalǵan taǵy 5 jataqhanany qoldanysqa berý kózdelip otyr.
Sonymen qatar Gúlzat Kóbenova sońǵy jyldary bul baǵytta aıtarlyqtaı oń dınamıka qalyptasqanyn atap ótti. Atap aıtqanda, 2018 jyldan beri stýdenttik jataqhanalardaǵy oryn tapshylyǵy 72,5%-ǵa qysqarǵan. Eger 2018-2019 oqý jylynda tapshylyq 61,4 myń oryndy qurasa, 2024-2025 oqý jylynda bul kórsetkish 16,9 myń orynǵa deıin azaıǵan.
Vıse-mınıstrdiń sózinshe, atalǵan kórsetkishter stýdentterdiń ómir súrý jaǵdaıyn jaqsartýǵa jáne joǵary bilimniń qoljetimdiligin arttyrýǵa baǵyttalǵan memlekettik saıasattyń naqty nátıjesin kórsetedi.
