Oqıǵa ornyna qutqarý qyzmetiniń mamandary jedel jetti. Aldyn ala málimet boıynsha ýlaný pesh murjasynyń qaýipsizdik talaptaryna saı kelmeýinen bolǵan.
Qazir zardap shekkenderdiń jaǵdaıy birqalypty, barlyǵy dárigerlerdiń baqylaýynda. Tótenshe jaǵdaılar qyzmeti turǵyndardy gaz jabdyqtaryn ýaqytyly tekserip, qaýipsizdik talaptaryn qatań saqtaýǵa shaqyrady.
Mamandar qala turǵyndaryna gaz jabdyqtaryn ýaqtyly tekserip otyrýdy, tútin shyǵarý murjalarynyń durys ornatylýy men tehnıkalyq jaramdylyǵyn qadaǵalaýdy, sondaı-aq gaz quraldaryna tehnıkalyq qyzmet kórsetý jóninde tıisti kelisimsharttar jasasý qajettigin eskertti.
Qutqarýshylar gazdyń tússiz ári ıissiz bolatynyn, sondaı-aq adam ómiri men densaýlyǵyna asa qaýipti ekenin atap ótti. Turǵyndardan qaýipsizdik talaptaryna jaýapkershilikpen qarap, aldyn alý sharalaryn qatań saqtaýǵa shaqyryldy.
Aıta keteıik, Atyraý mańyndaǵy Tomarly aýylyndaǵy jeke turǵyn úıde úsh adam kómirqyshqyl gazynan ýlanyp kóz jumdy.
