Baıqaý jeńimpazdaryn Ulytaý oblysynyń ákimi Dastan Ryspekov, oblystyq máslıhattyń tóraǵasy Baýyrjan Shyńǵysov marapattady.
«Jumysshy mamandyqtary jyly «Mamandyǵym – bolashaǵym» jobasy aıasynda óńirdiń jańa kásipteri men quzyretteriniń atlasy ázirlendi. Bul qujat aımaq ekonomıkasynyń naqty suranysyna saı kadr daıarlaý júıesin jańasha beıimdeýge berik negiz qalap otyr. Búginde óńirdiń tehnıkalyq, kásiptik bilim júıesinde 15 kolledj jumys isteıdi. Onda jeti myńǵa jýyq stýdent bilim alyp jatyr. Jumysshy mamandyǵyna kadr daıyndaýdyń qoǵamdyq, strategııalyq mańyzy zor», dedi oblys ákimi.
Baıqaý qorytyndysynda «Úzdik eńbek áýleti», «Jumys isteıtin jastardyń úzdik tálimgeri», «О́ndiristiń úzdik jas mamany», «Úzdik áleýmettik jaýapty kásiporyn», «Eńbekti qorǵaý salasyndaǵy úzdik kásiporyn», «Úzdik ujymdyq shart» atalymdary boıynsha jeńimpazdar anyqtalyp, qarjylaı syıaqylarmen marapattaldy.
«Úzdik eńbek áýleti» atalymynda birinshi oryndy Musabekovter áýleti, «Jumys isteıtin jastardyń úzdik tálimgeri» atalymynda birinshi oryndy Dýlat Qurmanbekov, «О́ndiristiń úzdik jas mamany» atalymynda birinshi oryndy Erlan Tólegenov ıelendi. Barlyǵyna 500 myń teńge syıaqy berildi. II, III oryn alǵan júldegerlerge de aqshalaı syılyq tabystaldy.
«Paryz» baıqaýynda «Qazaqmys» korporasııasy iri, «Samǵa» JShS orta, «Mamarada» ortalyǵy kishi úzdik áleýmettik jaýapty kásiporyn dep tanyldy. Eńbekti qorǵaý salasyndaǵy úzdik kásiporyn atalymynda «Maker», «Qaztehfıltr» JShS jeńimpaz atandy. Úzdik ujymdyq shart atalymynda «Jáırem Marganes» kásiporny, Jezqazǵan ındýstrıaldyq-gýmanıtarlyq kolledji alǵa shyqty. Sonymen qatar jumysshy mamandar daıarlaıtyn tehnıkalyq-kásiptik bilim berý kolledjderi men olardyń basshylary marapattaldy.
Ulytaý oblysy
