Foto: Aqorda
«Bıyl Memleket basshysy 95 Zańǵa, 388 Jarlyqqa, 80 О́kimge, 22 otyrys hattamasyna, 3504 qyzmettik qujatqa qol qoıdy», dep jazdy Rýslan Jeldibaı.
Qabyldanǵan qujattardyń ishinde eldiń ekonomıkalyq jáne tehnologııalyq damýyna serpin beretin Bıýdjet, Salyq, Sý kodeksteriniń jańa redaksııalary men «Jasandy ıntellekt týraly» Zańnyń mańyzy zor.
Sonymen qatar Prezıdent óńirlerdi damytý maqsatynda eki mańyzdy sheshim qabyldady:
- «Túrkistan qalasynyń erekshe mártebesi týraly» Zańǵa qol qoıyldy. Bul qujat Túrkistandy iri mádenı-týrıstik ortalyq retinde damytýdy kózdeıdi.
- «Alataý qalasyna damý qarqyny ozyq qala» arnaýly mártebesin berý týraly» Jarlyq bekitildi. Bul sheshim Alataýdy joǵary tehnologııalyq ındýstrııasy damyǵan iskerlik habqa aınaldyrýǵa baǵyttalǵan.
Rýslan Jeldibaıdyń aıtýynsha, Qasym-Jomart Toqaevtyń bul sheshimderi elde ekonomıkalyq ósimniń jańa ortasyn qalyptastyrý úshin qabyldanyp otyr.
Bıyl el ekonomıkasyndaǵy ósim sońǵy on jyldaǵy eń joǵary kórsetkishke jetti
Buǵan deıin bıyl Memleket basshysynyń syrtqy jáne ishki saıasat baǵytyndaǵy qyzmeti óte qaýyrt ári jemisti ótkenin jazǵan edik. Sonymen qatar Prezıdent áýe júk tasymaly boıynsha ulttyq kompanııa qurý bastamasyn qoldady.
