Foto: kaztag.kz
Bul – jaı ǵana kóshi-qon emes, elge eldiń qosylýy, úmit pen úmittiń jalǵanýy. Bıylǵy qandastardyń basym bóligi kórshiles memleketterden qonys aýdardy. Mysaly, 44,5%-y О́zbekstannan, 43,6% – Qytaıdan, 4,1% – Túrikmenstannan, 3% – Monǵolııadan 2,5% – Reseıden jáne 2,3 basqa elderden kelgen. Olardyń arasynda eńbekke qabiletti jastaǵylar da, jasóspirimder men zeınet jasyndaǵy azamattar da bar. Demek kósh – eldiń demografııalyq qana emes, áleýmettik bolashaǵyna da áser etetin mańyzdy úderis. Bilim deńgeıi jaǵynan da qandastar ártúrli. Arasynda joǵary bilimdi mamandar, kásibı-tehnıkalyq salada shyńdalǵan azamattar, sondaı-aq jalpy orta bilimmen kelgender de kezdesedi. Olar ekonomıka men eńbek naryǵy úshin úlken múmkindik. О́ıtkeni bilimi men tájirıbesin elimizdiń damýyna jumsaýǵa daıyn.
Qonys aýdarǵan qazaqtar Aqmola, Abaı, Qostanaı, Pavlodar, Atyraý, Batys, Shyǵys jáne Soltústik Qazaqstan oblystaryna qonystandyryldy. Ásirese eńbek kúshi tapshy soltústik jáne shyǵys aımaqtarǵa basymdyq berildi. Bul óńirlerde qandastardy qabyldaý úshin arnaıy kvota belgilenip, ony júzege asyrý baǵytynda júıeli jumys júrgizilip jatyr. Memleket tarapynan kórsetilip jatqan qoldaý da aıtarlyqtaı. Qandastardy jumyspen qamtý, jańa ortaǵa beıimdeý, turǵyn úı máselesin sheshý baǵytynda naqty tetikter iske qosyldy. Sonyń biri – turǵyn úı alýǵa nemese salýǵa arnalǵan qaıtarymsyz qarjylaı qoldaý. Bul bastama kóship kelgen otbasylarǵa jańa ómirdi nyq qadammen bastaýǵa múmkindik berip otyr. Qandastardyń elge oralýy – statıstıka ǵana emes, sanadan óshpegen saǵynysh, ulttyń ishki tutastyǵyn kúsheıtetin rýhanı úderis. Árbir oralǵan qandastyń janarynda bir úmittiń shamy janyp turǵany shyndyq.
