Foto: gov.kz
Demalys jáne mereke kúnderi shuǵyl jaǵdaıdaǵy naýqastardy qabyldaý, medısınalyq tekserý júrgizý, resept jazý jáne ýaqytsha eńbekke jaramsyzdyq paraqtaryn uzartý qyzmeti kórsetiledi.
Emhanalardaǵy fıltr-kabınetter bekitilgen kestege sáıkes kún saıyn saǵat 08:00-den 18:00-ge deıin jumys isteıdi. Shuǵyl medısınalyq kómek kórsetý kabınetteriniń qyzmeti tolyq kólemde uıymdastyrylady.
Al stasıonarlardyń qabyldaý bólimderi táýlik boıy jumys isteıdi. Beıindi mamandardyń, orta medısınalyq personaldyń, sondaı-aq dıagnostıkalyq qyzmet kórsetetin mamandardyń da (zerthana, sáýlelik dıagnostıka) kezekshilik tártibi bekitiledi. Turǵyndar tarapynan medısınalyq kómekke júginý sany artqan jaǵdaıda medısına qyzmetkerleriniń rezervtik brıgadalary da aldyn ala jasaqtalǵan.
«Jedel medısınalyq járdem men shuǵyl áreket etý qyzmetteri de qalypty jumys yrǵaǵyna saı táýlik boıy qyzmet kórsetedi. Emhanalar, stasıonarlardyń qabyldaý bólimderi jáne jedel járdem qyzmeti arasynda ózara baılanys qamtamasyz etilgen. Mereke kúnderi medısınalyq uıymdardyń jumysy táýlik boıy baqylaýda bolady», delingen Astana qalasy ákimdigi taratqan habarlamada.
Aıta keteıik, mereke kúnderi HQKO-lardyń jumys kestesine ózgerister engizildi.
