Álem elderi jańa jyldy qalaı qarsy alady?

Jańa jyl qarsańynda AQSh-tyń iri qalasy Nıý-Iorktiń Times Square alańy álem nazaryn ózine aýdarady. Jańa jyl túni myńdaǵan adam jınalyp, tún ortasynda aspannan baıaý tómendegen alyp shardy tamashalaıdy. Bul sát amerıkalyqtar úshin  eski jyldyń aıaqtalyp, jańa jyldyń bastalǵanyn bildiretin erekshe belgi. Is-shara aıasynda otshashý uıymdastyrylyp, adamdar jyly shyraımen bir-birine izgi tilekterin arnap jatady.

Fransýzdar Le Réveillon-dy, ıaǵnı jańa jyldy otbasymen birge atap ótkendi jón kóredi. Olar úshin merekelik dastarqanda teńiz ýstrısasy, irimshik, fýa-gra sekildi ulttyq taǵamdardyń bolýy mindetti. 

Jańajyldyq kóńil kúı syılaıtyn úzdik fılmder

Japonııa jurty úshin jańa jyl eń mańyzdy rýhanı merekelerdiń biri. Jyl sońynda ǵıbadathanalarda qońyraý 108 ret soǵylady. Qońyraý úni adam balasynyń boıyndaǵy jaman qasıetterden arylýǵa úndeıdi. Tańerteń japondar ǵıbadathanaǵa arnaıy baryp, jańa jylǵa oraı aq tilekterin aıtady. 

Qytaıda jańa jyl Aı kúntizbesine sáıkes toılanyp, on bes kúnge deıin jalǵasady. Merekelik bezendirýlerde qyzyl túske basymdyq beriledi. Úılerdiń mańy men kóshelerde aıdahar bıi bılenip, otshashýmen kómkeriledi. Qytaılyqtar úshin bul mereke – otbasy músheleriniń basy qosylyp, molshylyq pen baq-berekeni shaqyrýǵa arnalǵan saltanatty sát.

Al shveısarııalyqtar jańa jyldy baıyppen qarsy alýdy jón sanaıdy. Otbasy músheleri bir dastarhan basyna jınalyp, irimshik pen fondıýden dám tatady. Eldiń keı óńirlerinde turǵyndar jamandyqty qýyp shyǵý maqsatynda dástúrli kıimmen aýyldy aralaıdy.

Jańa jyl aldynda aqshany qalaı josparlaǵan durys?

Úndistanda jańa jyl ár aımaqta ártúrli kúnderi atalyp ótiledi. Keı jerlerde ol kóktemde toılanyp, adamdar ǵıbadathanalarǵa baryp, úılerin gúlmen, shammen bezendiredi. Bul mereke – rýhanı tazaryp, jańa ómirge qadam basýdyń belgisi.

Túrkııada da jańa jyl otbasylyq sıpatta órbıdi. Adamdar úılerin bezendirip, Noel Baba beınesin ornatyp jatady. Baýyrlas el halqy tún ortasynda anar jemisin jarý dástúri arqyly molshylyq pen berekeni shaqyrady.

Jańa jyl merekesi qarsańynda Astana men Almatyda qandaı is-sharalar ótedi?

Al Ortalyq Azııa elderinde jańa jyldy otbasylyq mereke sanaıdy. Ásirese balalar úshin merekelik kóńil kúı jasaý dástúrge aınalyp ketkendeı. Is-sharalarǵa Aıaz ata men Aqshaqar qatysyp, balalardyń tilegin oryndap jatady. Dese de atalǵan aımaqta kóktemde atap ótiletin Naýryz merekesi ulttyq jańa jyldyń basty nyshany ekeni sózsiz.