Kórme «Esirtkisiz álem» taqyrybyna arnaldy, onda álemniń túkpir-túkpirinen esirtkige táýeldilikpen kúresýdiń áleýmettik, gýmanıstik jáne profılaktıkalyq aspektilerin beıneleıtin fotografııalyq jumystar men kórneki materıaldar usynyldy.
Ekspozısııa táýeldilik problemasyna sanaly kózqarasty qalyptastyrýǵa jáne jastar arasynda salaýatty ómir salty qundylyqtaryn nasıhattaýǵa baǵyttalǵan.
Nashaqorlyqtyń aldyn alý jónindegi keńes múshesi Áset Gelmanov atap ótkendeı, jastarmen jumystyń mundaı formattary táýeldiliktiń aldyn alýda mańyzdy ról atqarady.
«Aldyn alý – eń aldymen dıalog jáne sanaly tańdaý. Jastar talqylaýǵa qatysyp, naqty saldarlardy kórip, jaýapkershilikti túsingen kezde destrýktıvti ádetterge turaqty ımmýnıtet qalyptasady», dep atap ótti ol.
Is-shara aıasynda «Ashyq mıkrofon» ınteraktıvti alań da uıymdastyryldy. Onda qatysýshylar óz pikirlerin bildirip, deni saý jáne sanaly ult ıdeologııasyn qalaı qalyptastyrý kerek ekendigi týraly negizgi suraqqa jaýap bere aldy. Belsendi bolǵandarǵa estelik syılyqtar tabystaldy.
