2022 jyldan bastap quqyq qorǵaý organdary men jurtshylyqtyń qatysýymen Jerdi tıimdi paıdalaný máseleleri jónindegi respýblıkalyq komıssııa jumys istep keledi. 2025 jyly komıssııanyń 3 otyrysy jáne óńirlerde 42 óńirlik keńes ótkizildi (qurylǵan kúnnen beri respýblıkalyq komıssııanyń 18 otyrysy jáne óńirlerdegi vedomstvoaralyq kishi toptardyń 430 otyrysy ótken).
Atalǵan jumysta «Jer amanaty» komıssııasy men «Amanat» partııasy qoǵamdyq baqylaýdy qamtamasyz etip, úderisterdiń ashyqtyǵy men aıqyndylyǵyna yqpal etti.
– 2022 jyldan beri barlyǵy 14,3 mln gektar jer memlekettik menshikke qaıtaryldy (2022 jyly – 5,4 mln gektar, 2023 jyly – 4,6 mln gektar, 2024 jyly – 2,2 mln gektar, sondaı-aq 2025 jyldyń basynan beri – 2,1 mln gektar). Onyń ishinde 12,5 mln gektary – jaıylymdyq jerler. Bul alqaptarda 16,1 myń sharýashylyqta mal bolmaǵan nemese jaıylymǵa túsetin júktemeniń tómendigi anyqtalǵan. – dep jazdy AShM.
2022 jyldan beri memleketke qaıtarylǵan jerdiń 7,7 mln gektary qaıta bólindi:
- 2,7 mln gektar – mal jaıý úshin ortaq paıdalanýǵa berildi;
- 5 mln gektar – konkýrstyq negizde usynyldy.
Sonymen qatar, jer paıdalanýshylar 4,6 mln gektar alqapta jerlerin tıimdi paıdalanýǵa kiristi.
Prezıdenttiń Joldaýynda belgilengen taǵy 7,5 mln gektar jerdi qaıta bólý jumystary jalǵasýda. Ákimdikterge birinshi kezekte jergilikti turǵyndardyń jaıylymǵa degen qajettilikterin jáne aýyl sharýashylyǵymen aınalysqysy keletin azamattardyń múddelerin eskerý tapsyryldy.
Jospardyń merziminen buryn oryndalýy jer resýrstarymen jumys isteýdiń tıimdiligin, jerdi utymdy paıdalaný úshin jaǵdaı jasalǵanyn jáne Qazaqstan aýyl sharýashylyǵynyń odan ári damýyna serpin berilgenin kórsetedi.
