«Keshe Iranda qyzdarǵa arnalǵan mektepke jasalǵan áýe soqqysy saldarynan ondaǵan bala qaza taýyp, kóptegen bala jaraqat aldy. Biz quqyq qorǵaý salasyndaǵy áriptesterimizben birge bul qasiretti oqıǵaǵa qatty kúızeldik», dedi ol.
Onyń aıtýynsha, mektepter – «beıbit aımaqtar», al bilim berý mekemelerine jasalǵan shabýyl halyqaralyq quqyqtyń buzylýy bolyp sanalady.
«Balalar – kez kelgen qaqtyǵysta eń osal top. Olar soǵysty tańdaǵan joq, saıası sheshimder qabyldamaıdy jáne eresekterdiń áreketteri úshin jaýapty emes. Alaıda eń aýyr zardapty dál solar shegedi. Balalar japa shekpeýi, qorqynysh sezinbeýi tıis», deıdi D.Zakıeva.
Qazaqstan árdaıym kelispeýshilikterdi beıbit jolmen, kelissózder arqyly, beıbitshilik, turaqtylyq jáne qaýipsizdik jolynda retteýdi qoldap keledi.
«Biz halyqaralyq qaýymdastyqty balalardy jáne olardyń bolashaǵyn saqtaý úshin dıalogqa shaqyramyz. Bizdiń ortaq mindetimiz – balalarǵa tynysh ári ashyq aspan astynda ómir súrý quqyǵyn qaıtarý. Beıbitshilik – árbir balanyń quqyǵy», dedi Balalar quqyǵy boıynsha ýákil.
Aıta keteıik, Irannyń ońtústigindegi Mınab qalasyndaǵy «Shadjare Taıebe» qyzdarǵa arnalǵan bastaýysh mektepke jasalǵan shabýyldan qaza tapqandar sany 148 adamǵa, al jaralanǵandar sany 95 adamǵa jetti.
