Foto: Ashyq derekkóz
Jańa erejelerge sáıkes, eger azamat Dýbaıdaǵy jyljymaıtyn múliktiń jalǵyz ıesi bolsa, ol ınvestısııa kólemine qaramastan eki jylǵa turýǵa ruqsat alýǵa ótinim berýge quqyly. Al eger nysannyń birneshe ıesi bolsa, árbir ıesiniń úlesi keminde 400 myń dırhamdy (shamamen 109 myń dollar) quraýy tıis.
Buǵan deıin Dýbaıda turýǵa ruqsat alý úshin satyp alynatyn turǵyn úıdiń eń tómengi quny 750 myń dırhamnan (204 myń dollar) kem bolmaýy kerek bolatyn. Osylaısha, shekti mólsher eki esege jýyq qysqardy.
Dýbaıǵa jol ashyldy: Birikken Arab Ámirlikteri áýe keńistigin tolyǵymen ashty
Aıta keteıik, Dýbaıdaǵy elıtalyq jyljymaıtyn múlik naryǵy rekordtyq kórsetkishterdi kórsetip otyr. Bloomberg agenttiginiń dereginshe, 2025 jyldyń ekinshi toqsanynda jalpy quny 2,6 mıllıard dollardy quraıtyn 143 kelisimshart jasalǵan. Bul ótken jyldyń sáıkes kezeńimen salystyrǵanda 52 paıyzǵa joǵary. Satylǵan nysandardyń ishinde 22 úıdiń quny 25 mıllıon dollardan asqan.
