Qolbasshylyqtyń nazaryn jáne qoldaýyn bildirý maqsatynda Ulttyq ulan Bas qolbasshysynyń TjÁQJ orynbasary general-maıor Qaırat Úmbetov mereke kúni jaýyngerlik bekette turǵan sarbazdardy jeke ózi quttyqtady.
Sapar barysynda quqyqtyq tártip áskerleriniń bas tárbıeshisi qoǵamdyq tártipti qorǵaý boıynsha qyzmet atqaryp júrgen oryndarǵa baryp, qyzmet ótkerý jaǵdaıymen tanysty jáne jaýyngerlik kezekshilikte turǵan jeke quramǵa qoldaý bildirdi.
Mereke kúnderi óz mindetterin atqaryp júrgen kezekshi bólimge, jańa shaqyrylymnyń oqý rotalaryna jáne rotalardyń ishki qaraýyldaryna erekshe nazar aýdaryldy.
Ishki ister mınıstriniń orynbasary – Ulttyq ulannyń Bas qolbasshysy general-maıor Ańsaǵan Baltabekovtiń atynan ulandyqtarǵa sóz sóılegen general-maıor Qaırat Úmbetov olardyń qyzmetiniń mańyzdylyǵyn atap ótip, áskerı boryshqa adaldyǵy úshin alǵys bildirdi.
– Jańa jyl elimizde qoǵamdyq tártip pen qaýipsizdikti qamtamasyz etý jónindegi ózgermeıtin mindetterdi alǵa qoıady. Biz bolashaqqa senimmen qarap, jaqsyǵa úmit artamyz. Mereke qarsańynda búkil jeke quramǵa janqııarlyq qyzmeti men áskerı boryshqa adaldyǵy úshin alǵys aıtamyn. Sizderge jáne jaqyndaryńyzǵa myqty densaýlyq, tynyshtyq pen ashyq aspan tileımin, – dedi Bas qolbasshynyń TjÁQJ orynbasary.
Sapar jyly ári iskerlik jaǵdaıda ótip, mereke kúnderi qyzmet atqaryp júrgen áskerı qyzmetshiler úshin basshylyqtyń nazaryn, qoldaýyn jáne joǵary baǵasyn bildiretin mańyzdy belgige aınaldy.
