Aýyl sharýashylyǵy mınıstrliginiń málimetinshe, Túlkibas aýdany aýmaǵynda alma men ózge de jemisterdi tereń óńdeýge baǵyttalǵan zaýyt óz jumysyn bastady. Kásiporyn qospasyz 100 paıyz tabıǵı shyryn, jemis pıýresi, alma untaǵy, sondaı-aq balalar taǵamyna arnalǵan ónimder óndirýge mamandanǵan.
Aýyl sharýashylyǵy óndiristik kooperatıvi zamanaýı óndiristik standarttarǵa saı keledi jáne Qytaıdan ákelingen sońǵy úlgidegi avtomattandyrylǵan jabdyqtarmen jabdyqtalǵan. Zaýyttyń jyldyq óndiristik qýaty 5 myń tonnaǵa deıin jetedi.
Qazirgi ýaqytta kásiporynda táýligine 30 tonnaǵa deıin alma óńdelip jatyr. Daıyn ónim Ayim brendimen saýda jelilerine shyǵarylǵan.
Kásiporyn tolyqtaı óz shıkizatymen qamtamasyz etilgen. Aýmaǵy 300 gektar bolatyn alma baqtarynan jınalǵan ónimniń bir bóligi óńdeýge jiberilse, qalǵany syıymdylyǵy 2 myń tonna bolatyn kooperatıvtiń jemis saqtaý qoımasynda saqtalyp, qys mezgilinde satylymǵa shyǵarylady.
Aldaǵy ýaqytta zaýyt jergilikti baǵbandardan standartqa saı kelmeıtin almalardy qabyldap, óńdeýdi josparlap otyr. Bul bastama aýdan fermerlerine qosymsha qoldaý bolmaq.
