3 qańtardan 4 qańtarǵa qaraǵan túni Bostumsyq aýyly mańynda 1997, 1972 jáne 1968 jyly týǵan úsh azamatty izdeýge aýqymdy izdestirý-qutqarý operasııasy uıymdastyryldy. Olar jylqylardy izdeýge shyǵyp, belgilengen ýaqytta oralmaǵan.
Izdeý jumystaryna Tótenshe jaǵdaılar mınıstrliginiń, jergilikti atqarýshy organdar men polısııa departamentiniń kúshteri jumyldyryldy. Joldyń kúrdeli jaǵdaıyna baılanysty qutqarýshylar qar basqan joldardy qolmen arshyp, izdeý toptarynyń alǵa jyljýyna jaǵdaı jasaǵan. Sondaı-aq ushqyshsyz ushý apparaty paıdalanyldy.
Bes saǵatqa sozylǵan izdeý nátıjesinde joǵalǵandar Qarakeńgir aýylynan shamamen 30 shaqyrym qashyqtyqtaǵy dala aýmaǵynan tabyldy. Medısınalyq kómek qajet bolǵan joq.
