Resmı aqparatqa sáıkes, 2026 jylǵy 4 qańtar kúni saǵat 12:00-den bastap barlyq kólik túri úshin qozǵalysqa shekteý qoıylǵan. Buǵan óńirde baıqalǵan qolaısyz meteojaǵdaılar, atap aıtqanda, boran men kórinýdiń tómendeýi sebep bolǵan.
Qozǵalys shekteýi kelesi baǵyttarda engizildi:
– «Qaztalovka – Jánibek – RF shekarasy» avtojoly, 0–158 shaqyrym aralyǵy (Qaztalovka aýylynan Jánibek aýylyna deıin);
– «Chapaı – Jalpaqtal – Qaztalovka – RF shekarasy» avtojoly, 0–201 shaqyrym (Chapaev kentinen Qaztalovka aýylyna deıin);
– «Oral – Tasqala – RF shekarasy» avtojoly, 4–104 shaqyrym (Oral qalasynan Reseı Federasııasynyń shekarasyna deıin).
Bul baǵyttarda barlyq sanattaǵy kólik qozǵalysy tolyq toqtatylǵan.
Jaýapty mekemeniń málimetinshe, joldardy ashýdyń boljamdy ýaqyty – 4 qańtar kúni saǵat 20:00. Alaıda bul merzim aýa raıynyń jaǵdaıyna baılanysty ózgerýi múmkin.
Mamandar júrgizýshilerge alys jolǵa shyqpaýǵa, jolǵa shyǵar aldynda aýa raıy boljamyn qadaǵalap otyrýǵa jáne resmı aqparat kózderine súıenýge keńes beredi. Qıyn jaǵdaıǵa tap bolǵan jaǵdaıda 112 nómirine habarlasý qajet.
