Prezıdenttiń aıtýynsha, teńizge tikeleı shyǵatyn joly bolmasa da, Qazaqstan Eýrazııa qurlyǵynyń dál ortasynda, negizgi tranzıttik baǵyttar toǵysqan aýmaqta ornalasqan.
«Bul – úlken artyqshylyq, biz ony el ıgiligine jarata bilýge tıispiz. Maqsat-múddemizge sáıkes Qazaqstandy Eýrazııanyń kólik aılaǵy (haby) retinde qalyptastyrý – bul salada atqarylatyn jumystyń basty baǵyty», dedi Qasym-Jomart Toqaev.
Memleket basshysy jýyrda iske qosylǵan «Dostyq – Moıynty» jańa temirjol magıstraliniń mańyzyn erekshe atap ótti.
«Bul joba osy jol arqyly Qytaı men Eýropa arasynda tasymaldanatyn júk kólemin bes ese arttyrýǵa múmkindik beredi. «Moıynty – Qyzyljar», «Baqty – Aıagóz», «Darbaza – Maqtaaral» temirjol jelilerin jańadan iske qosý josparymyzda tur. Jalpy, 2030 jylǵa deıin 5 myń shaqyrym temirjoldy salyp, jańǵyrtý jáne 11 myń shaqyrym temirjoldy jóndeý kózdelip otyr.
Elorda men batys aımaqtardyń arasyndaǵy qashyqtyqty 500-den astam shaqyrymǵa qysqartatyn «Ortalyq – Batys» kúre joly qurylysynyń strategııalyq mańyzy óte zor», dedi Prezıdent.
Prezıdenttiń aıtýynsha, 2030 jylǵa deıin elimizde 5 myń shaqyrym temirjol salý jáne jańǵyrtý, sondaı-aq 11 myń shaqyrym temirjoldy jóndeý kózdelgen.
Qasym-Jomart Toqaev Qazaqstannyń shekaradan tys aýmaqtardy qamtıtyn keń aýqymdy kólik júıesin qalyptastyrǵanyn atap ótti.
«Qazaqstan muhıt joldarynan tysqary tursa da, Sary teńiz ben Qara teńizdiń arasynda júk termınaldarynyń jelisin qalyptastyrdy. Elimizdiń aýmaǵy arqyly ótetin 12 halyqaralyq kólik dálizi, atap aıtqanda, 5 temir jol, 7 avtokólik dálizi bar. Qytaı men Eýropa arasynda qurlyqpen jetkiziletin júktiń shamamen 85 paıyzy osy joldarmen tasymaldanady», dedi ol.
Qazirgi tańda elimizdiń aýmaǵy arqyly 12 halyqaralyq kólik dálizi, onyń ishinde 5 temirjol jáne 7 avtokólik baǵyty ótedi. Qytaı men Eýropa arasyndaǵy qurlyq júk tasymalynyń shamamen 85 paıyzy osy baǵyttar arqyly júzege asyrylady.
Toqaev: Jeke abyroıymdy oılasam, men de bul jumysty kelesi basshylyqqa ysyra salar edim
Degenmen, Prezıdent bul saladaǵy básekeniń kúsheıip kele jatqanyn da jasyrmady.
«Kólik jáne logıstıka geosaıasattyń ajyramas bóligine aınaldy. Bul másele joǵary deńgeıdegi kelissózderdiń kún tártibine birjola endi», dedi Memleket basshysy.
Suhbatta Qazaqstannyń «Bir beldeý – bir jol», «Soltústik – Ońtústik» jáne Transkaspıı baǵyty – «Orta dálizdi» damytýǵa belsendi qatysyp otyrǵany aıtyldy. Prezıdent «Reseı – Qazaqstan – Túrikmenstan – Iran» baǵyty arqyly teńiz porttaryna shyǵýdyń bolashaǵy zor ekenin atap ótip, «Orta dálizge» Qytaıdyń qosylýyn qoldaıtynyn jetkizdi.
Toqaev eks-prezıdenttiń Máskeýge sapary týraly: Ne aıtylǵany maǵan qyzyq emes
Qasym-Jomart Toqaev kólik-logıstıka salasynyń áleýeti óte joǵary ekenin aıtty.
«Munda tek ınfraqurylym týraly sóz bolyp otyrǵan joq. Ekonomıkanyń barlyq derlik sektory osy irgeli salaǵa kelip toǵysady. Sondyqtan, Úkimettiń aldyna zamanaýı ınjenerlik jáne servıstik ınfraqurylymy bar kólik-logıstıka toraptaryn salý, teńiz porttaryn, áýejaılar men temirjol vokzaldaryn jańǵyrtyp jóndeý, sondaı-aq tıimdi sıfrlyq ekojúıe qalyptastyrý mindeti qoıyldy», dedi Prezıdent.
Eske salaıyq, búgin Qazaqstan Prezıdenti Qasym-Jomart Toqaev «Turkistan» gazetine keń kólemdi suhbat berdi.
