Prezıdent • 05 Qańtar, 2026

Toqaev: Qazaqstan halyqaralyq bedeli joǵary, tabysty memleketke aınaldy

30 ret

kórsetildi

1 mın

oqý úshin

Búgin Memleket basshysynyń «Túrkistan» gazetine bergen keń kólemdi suhbaty jarııalandy. Suhbat barysynda Prezıdentke «Bıyl Qazaqstan halqy qasterli Táýelsizdigimizdiń 35 jyldyq mereıli beleske jetkenin atap ótedi. Bul – tarıh turǵysynan alǵanda qas-qaǵym sát bolǵanymen, jekelegen memleketter men adamdar úshin birshama uzaq merzim. Siz Qazaqstannyń júrip ótken jolyn qalaı baǵalar edińiz? Aldaǵy baǵdarymyz qandaı?» degen saýal qoıylǵan edi, dep habarlaıdy Egemen.kz.

Shyńǵys MUQAEV

Toqaev: Qazaqstan halyqaralyq bedeli joǵary, tabysty memleketke aınaldy

Foto: anatili.kazgazeta.kz

Prezıdenttiń aıtýynsha, osy jyldarda óte kóp jumys atqaryldy.

«Memleket qurý isiniń kýágeri bolǵan jáne bul iske atsalysqan azamat retinde «osy jyldarda Táýelsiz Qazaqstannyń ıgiligi úshin óte kóp jumys atqaryldy» dep aıta alamyn. Iá, jetistiktermen qatar, qatelikter de boldy. Onsyz múmkin emes qoı?! «Bilmeıtin joldyń oı-shuńqyry kóp» degen sóz bar. Qalaı bolǵanda da, elimiz buralańy kóp, baǵdary bulyńǵyr, kúrdeli joldy júrip ótti. Jer júzinde Qazaqstanǵa tileýlestik bildirgender az bolǵan joq, biraq jymysqy nıet tanytqandar da bar edi. О́tken ǵasyrdaǵy 90-jyldardyń basynda shetelderde «qazaqtardyń qolynan eshteńe kelmeıdi» degen pikir aıtylyp jatty. О́ıtkeni, demografııalyq ahýal men keńes dáýirinen qalǵan saıası jáne ekonomıkalyq jaǵdaı tabysty memleket qurýymyzǵa qolbaılaý bolatyndaı kórindi.
О́mirdiń ózi bul boljamdardy joqqa shyǵardy. Qazaqstan ekonomıkasy qarqyndy damyp jatqan, halyqaralyq bedeli joǵary, tabysty memleketke aınaldy. Biraq, aldymyzda tájirıbesi mol azamattarǵa da, jastarǵa da ortaq orasan zor jumys bar», dedi Memleket basshysy.