Foto: Ashyq derekkóz
Májilis depýtaty Aıdos Sarymnyń saýalyna jaýap bergen Bas prokýror Berik Asylov 17 jeltoqsanda Astana qalasynda atalǵan fakti boıynsha qylmystyq is tirkelgenin málimdedi. Tergeý nysany – 2025 jylǵy 29 qarashada KTK termınalyna ushqyshsyz qurylǵylar arqyly jasalǵan shabýylyn ashyq qoldaǵan paıdalanýshylardyń jelidegi jazbalary.
Depýtat óz saýalynda el ekonomıkasy úshin strategııalyq mańyzy bar ınfraqurylymǵa soqqy berýdi maquldaý – ulttyq múddege tikeleı zııan keltirý ekenin atap ótken bolatyn. Ol mundaı málimdemelerdi «terrorızmdi nasıhattaý» nemese «memleketke opasyzdyq jasaý» baptarymen baǵalaýdy usyndy.
«Tergeý barysynda bul tulǵalardyń jeke basyn anyqtaý jáne olardyń kinásin dáleldeıtin aıǵaqtardy jınaý sharalary qabyldanýda. Jumys nátıjesi boıynsha kúdiktilerdiń is-áreketine túpkilikti saraptama berilip, prosestik sheshim qabyldanady», dedi Bas prokýror.
Sondaı-aq qadaǵalaý organy jalǵan aqparat taratý jáne quqyqqa qaıshy kontent jarııalaý úshin qylmystyq jáne ákimshilik jaýapkershilik qarastyrylǵanyn eskertip, azamattar arasynda túsindirý jumystaryn júrgizip jatyr.
Depýtat KTK-ǵa jasalǵan shabýyldy aqtaǵandardy jazalaýdy surady
Eske sala keteıik, 29 qarashada Novorossıısk porty aýdanynda KTK-nyń teńiz ınfraqurylymyna ushqyshsyz qurylǵylar shabýyl jasap, nátıjesinde VPÝ-2 tıeý qurylǵysy aıtarlyqtaı zaqymdalǵan bolatyn.
