Bıylǵy jańa jyl merekesi aldynda Iаsmına jergilikti «Tulpar Pavlodar» at klýbynyń Instagram paraqshasynda «eger paraqsha 10 myń jazylýshy jınasa, onyń óz aty bolý armany oryndalar edi» degen úmitin bildirgen edi. Jetkinshektiń bastamasy kópshiliktiń keń qoldaýyna ıe bolyp, nátıjesinde jazylýshylar sany 17 myńnan asty.
– Biz Iаsmınanyń ıdeıasyn qoldadyq, al nátıje kútkennen de joǵary boldy. Bul adamdardyń ıgi ister úshin birige alatynyn kórsetti, – dep atap ótti at klýbynyń ókilderi.
Tulpar tabystalǵan sátte Iаsmına shynaıy alǵysyn bildirip, tálimgerlerine jáne óz armanynyń oryndalýyna atsalysqan barlyq janǵa rızashylyǵyn jetkizdi.
Segiz jasar Iаsmına kishkene kezinen atqumar bolyp ósken. Aıtýynsha, bul erekshelik oǵan ákesinen daryǵan. Onyń alǵashqy ustazy da ákesi.
Nusqaýshylar qyzdyń tabıǵı qabiletin erekshe atap ótedi: ol attyń kóńil kúıin názik sezinip, ony senimdi túrde basqara alady. Bos ýaqytyn ol kóbine at ústinde ótkizedi.
