foto: ashyq derekkóz
Densaýlyq saqtaý mınıstrliginiń málimetinshe, vedomstvo men IIM-niń aqparattyq júıelerin biriktirý arqyly 369 888 dıspanserlik esepte turǵan adamnyń derekteri taldanǵan.
Nátıjesinde:
- 273 819 azamatqa buryn júrgizýshi kýáligi berilmegeni anyqtalǵan;
- 41 677 adamnyń júrgizýshi kýáligi burynnan jaramsyz (joıylǵan) bolǵan;
- 54 392 azamattyń kýálikteri áli de jaramdy bolǵan.
2025 jylǵy 10 jeltoqsandaǵy jaǵdaı boıynsha sot organdaryna 4 540 talap aryz joldanyp, sonyń nátıjesinde 1 787 júrgizýshi kýáliginiń kúshi joıylǵan. Bul azamattarda kólik júrgizýge medısınalyq qarsy kórsetilimder bolǵan.
Sondaı-aq psıhonevrologııalyq jáne narkologııalyq esepte turǵan azamattar týraly málimetter eki vedomstvonyń aqparattyq júıeleri arasynda avtomatty túrde jańartylyp, naqty ýaqyt rejıminde almasyp otyrady. Bul derekter júrgizýshi kýáligine ruqsat berý kezinde eskeriledi.
Densaýlyq saqtaý mınıstrligi men Ishki ister mınıstrligi jol-kólik qaýipsizdigin baqylaý jáne joldaǵy táýekelderdi azaıtý boıynsha birlesken jumysty sıfrlyq derekter almasý arqyly jalǵastyrady. Bul jańa shara JKO saldarynan bolatyn jaraqattaný, múgedektik pen ólim-jitim deńgeıin tómendetýge baǵyttalǵan.
Buǵan deıin «epılepsııa» dıagnozymen esepte turǵan, Besterektegi 4 balanyń ólimine sebepker bolǵan júrgizýshiniń 9 jylǵa sottalǵany týraly jazǵan bolatynbyz.
