Foto: istockphoto.com
Janjalǵa 49 jastaǵy er adam aralasqan
Tóbeleske 49 jastaǵy er adam aralasyp, ulyn qorǵaý barysynda abaısyzda as úı pyshaǵymen jábirlenýshiniń sol jaq qulaq tusynan dene jaraqatyn salǵan. Atalǵan derek boıynsha polısııa «Densaýlyqqa qasaqana ortasha aýyrlyqtaǵy zııan keltirý» baby boıynsha qylmystyq is qozǵady. Qazirgi ýaqytta tergeý sharalary júrgizilip jatyr.
Shuǵyl medısınalyq kómek kórsetilgen
Densaýlyq saqtaý basqarmasynda 2 qańtar kúni keshke Qyzylqoǵa aýdandyq aýrýhanasyna 2002 jyly týǵan er adam sol jaq qulaq qalqany men qulaq mańy aımaǵynyń terisi sydyrylǵan jaraqatpen jetkizilgeni naqtylandy. Zardap shegýshini medısınalyq mekemege dostary alyp kelgen.
Dárigerler shuǵyl medısınalyq kómek kórsetip, qan ketýdi toqtatyp, dári-dármek jáne ınfýzııalyq em taǵaıyndady. Hırýrgtar jaraǵa alǵashqy hırýrgııalyq óńdeý júrgizdi.
«Aq Jaıyq» málimetinshe, keıin naýqas mamandandyrylǵan medısınalyq kómek alý úshin oblystyq aýrýhanaǵa jiberildi.
Qulaq qalqanynan aıyrylǵan
Qazirgi ýaqytta naýqastyń jaǵdaıy turaqty, ol dárigerlerdiń baqylaýynda jáne emin jalǵastyryp jatyr. Baspasóz qyzmetiniń málimetinshe, dabyl jarǵaǵy zaqymdanbaǵan, estý qabileti saqtalǵan, alaıda jas jigit qulaq qalqanynan aıyrylǵan.
