Is materıaldaryna sáıkes, 2024 jylǵy qarasha aıynyń basynda túngi saǵat 03:45 shamasynda aıyptalýshy alkogoldik masań kúıde TikTok jelisinde tikeleı efırge shyqqan. Onyń advokaty Valerıı Lıdiń aıtýynsha, efır barysynda Reseı men Ýkraına arasyndaǵy soǵys taqyryby talqylanǵan.
Sot dereginshe, tikeleı efır kezinde Iýlııa Hon qazaq ultyna til tıgizip, arandatýshylyq sıpattaǵy beıádep sózder aıtqan. Sýdıa Olga Kýznesova bul jaıt saraptama qorytyndysymen, efır jazbasymen jáne kýágerlerdiń aıǵaqtarymen dáleldengenin málimdedi.
«Tık-Tok» arqyly jurtty aldap kelgen qylmystyq toptyń joly kesildi
Sot úkimimen Iýlııa Hon 2 jyl merzimge bas bostandyǵynan aıyryldy. Buǵan deıin ol eshqaıda ketpeý týraly qolhatpen júrgen. Úkim jarııalanǵannan keıin sot zalynda qamaýǵa alyndy.
Jaza taǵaıyndaý kezinde sot aıyptalýshynyń jeńildetetin mán-jaılaryn eskergen. Atap aıtqanda, sottalýshynyń kórý qabiletinen aıyrylǵan balasy bar ekeni, ony emdetýge ózi qarajat tóleıtini aıtyldy. Sonymen qatar, onyń buryn qylmystyq jaýapkershilikke tartylmaǵany, turmysta ekeni jáne jumys isteıtini kórsetildi.
Depýtattar Qazaqstanda TıkTokqa shekteý qoıýdy usyndy
Advokat Valerıı Lı sot sheshimimen kelispeıtinin jáne apellıasııalyq shaǵym túsiretinin málimdedi. Onyń aıtýynsha, efır barysynda Iýlııa Honnyń ózine de til tıgizilgen, al qorlaıtyn sózder búkil ultqa emes, naqty bir adamǵa baǵyttalǵan.
