Foto: vıdeodan alynǵan skrın
Shymkent qalasy polısııa departamentiniń málimetinshe, kúdiktini izdeý barysynda qalanyń kireberisteri men shyǵaberisterinde baqylaý kúsheıtilip, aýmaqty jappaı tekserý jumystary uıymdastyrylǵan.
Nátıjesinde kúdikti qaladan shamamen 10 shaqyrym qashyqtyqtaǵy ashyq aýmaqta qolǵa túsken.
«Qazir 28 jastaǵy Shymkent turǵyny ýaqytsha ustaý ızolıatoryna qamaldy. Aldyn ala málimetterge sáıkes, kúdikti marqum qyzdyń tanysy bolǵan. Qylmystyń sebepteri men ózge de mán-jaılary tergeý barysynda anyqtalady», delingen habarlamada.
Atalǵan derek boıynsha adam óltirý faktisi boıynsha qylmystyq is qozǵalyp, jedel-tergeý is-sharalary júrgizilip jatyr.
Eske salaıyq, Shymkenttegi Tólemetov kóshesi boıyndaǵy kópqabatty úıdiń aldynan pyshaq jaraqatynan jan tapsyrǵan jas qyzdyń máıiti tabylǵan edi.
Buǵan deıin Almaty taýlarynda úsh adam joǵalyp ketip, bir adamnyń máıiti tabylǵanyn habarlaǵanbyz. Jeltoqsan sońynda Almaty taýlarynda snoýbord tepken qyz kóz jumyp, qutqarýshylar onyń máıitin tapqanyn málimdegen.
О́tken jyldyń qarasha aıynda Jambyl oblysy Baızaq aýdanynyń Sarykemer aýylynda №3 Baızaq kolledjiniń 16 jastaǵy stýdenti óz-ózine qol jumsap, keıinnen máıiti tabylǵan edi.
