Foto: ashyq derekkóz
Mınıstrdiń aıtýynsha, Syrdarııa ózeniniń joǵarǵy aǵysynda, kórshi memleketter aýmaǵyndaǵy sý qoımalarynyń qazirgi tolymdyǵy ótken jylmen salystyrǵanda 3,2 mlrd tekshe metrge azaıǵan.
«Ońtústik óńirlerdegi sý qoımalarynyń tolymdyǵy ótken jylmen salystyrǵanda 1,9 mlrd tekshe metrge kemigen. Bul – kúz-qys kezeńindegi jaýyn-shashynnyń azaıýy, muzdyqtan keletin sý kóleminiń qysqarýy jáne klımattyń jalpy ózgerisi sııaqty obektıvti faktorlarǵa baılanysty. Bul áserler uzaq merzimdi sıpatta bolyp, bizden júıeli beıimdelýdi talap etedi», dedi N. Nurjigitov.
Mınıstrdiń aıtýynsha, barlyq sharalar qurǵaqshylyq táýekelin azaıtýǵa, sý resýrstaryn tıimdi paıdalanýdy arttyrýǵa jáne ońtústik óńirlerdiń aýyl sharýashylyǵyn qorǵaýǵa baǵyttalǵan.
Sondaı-aq vedomstvo osy jyldyń sýarý maýsymyna daıyndyq jumystaryn bastady.
«Sýarý kanaldary men gıdrotehnıkalyq qurylystarda jóndeý-qalpyna keltirý jumystary júrgizilip jatyr. О́ńirlerde aýyl sharýashylyǵy mamandarymen sý únemdeý qajettiligi jáne sýdy asa qajet etpeıtin daqyldarǵa kóshý týraly túsindirý kezdesýleri ótkiziledi. 2025 jylǵy jeltoqsan aıynyń basynda Premer-mınıstrdiń orynbasary Qanat Bozymbaevtyń tóraǵalyǵymen Kyzylorda, Túrkistan jáne Jambyl oblystaryna issaparlyq keńester uıymdastyrylyp, sý paıdalaný lımıtterin qatań saqtaý jáne sý únemdeıtin tehnologııalarǵa tez kóshý mindeti naqtylandy», dedi mınıstr.
Sonymen qatar mınıstr 2026 jyly 540 myń adamdy quraıtyn 142 aýyldy sapaly aýyz sýmen qamtamasyz etý jumystary bastalǵanyn aıtty.
Memleket basshysynyń halyqty 2025 jyldyń sońyna deıin aýyz sýmen qamtamasyz etý jónindegi tapsyrmasy tolyq oryndalyp, elimizdegi 90 qala men 7,5 mln turǵyny bar 6087 aýyl aýyz sýmen tolyq qamtamasyz etilip otyr.
