Geraldıkalyq komıssııanyń otyrysy

Qazaqstan Respýblıkasynyń Memlekettik hatshysy Gúlshara Ábdiqalyqovanyń tóraıymdyǵymen Vedomstvolyq jáne oǵan teńestirilgen ózge de nagradalar jónindegi geraldıkalyq komıssııanyń otyrysy ótti, dep habarlady Prezıdenttiń baspasóz qyzmeti. Jıynda «Qazaqstan Respýb­lıkasynyń Prezıdentine tikeleı baǵynatyn jáne esep beretin keıbir memlekettik organdardyń, Qazaqstan Respýblıkasy Kons­­­­­tıtýsııalyq Keńesiniń, quqyq qorǵaý organdarynyń, sottar­dyń, Qarýly Kúshterdiń, basqa da áskerler men áskerı qura­­lym­dardyń vedomstvolyq jáne oǵan teńestirilgen ózge de nagradalary týraly» Qazaqstan Respýblıkasy Prezıdentiniń 2011 jylǵy 30 qyrkúıektegi №155 Jarlyǵynyń oryndalýy, sondaı-aq, memle­­ket­­tik organdardyń Qazaq­stan Res­pýb­­lıkasynyń Qarjy jáne Ener­­getıka mınıstrlikteri qyz­meti sa­lasyndaǵy vedom­stvo­lyq nagra­dalardyń ataýlaryna ózgerister engizý jónindegi usy­nystary týraly máseleler qaraldy. Komıssııa músheleri aldyn­da Mádenıet jáne sport mınıstr­liginiń jaýapty hatshysy Q.Ýá­lıev, Qarjy vıse-mınıstri A.Teńgebaev jáne Energetıka vıse-mınıstri M.Myrzaǵalıev baıandama jasady. Talqylaý qorytyndysy boıynsha komıssııanyń usynymdary ázirlenip,  ýákiletti memlekettik organdarǵa tapsyrmalar berildi. Geraldıkalyq komıssııa – mem­lekettik organdardyń vedom­­­stvo­lyq nagradalarynyń geral­dık­a­lyq sıpattamasyn jáne osy sala boıynsha zańnamalardy jetildirý jónindegi usynystardy qaraıtyn Qazaqstan Prezıdenti janyndaǵy konsýltatıvtik-keńesshi organ.