Qoǵam • 14 Qańtar, 2026

QQS ósimi áleýmettik mańyzy bar azyq-túlik baǵasyna áser etti me?

30 ret

kórsetildi

1 mın

oqý úshin

Elimizde 5 qańtardan bastap QQS mólsherlemesi 12%-dan 16%-ǵa deıin artqanyna qaramastan, Almaty qalasynyń ákimdigi áleýmettik mańyzy bar azyq-túlik taýarlary baǵasynda kúrt ózgerister baıqalmaǵanyn málimdedi, dep habarlaıdy Egemen.kz.

Qyrmyzy JUMAǴALIQYZY

QQS ósimi áleýmettik mańyzy bar azyq-túlik baǵasyna áser etti me?

«Salyq mólsherlemesiniń ósýine qaramastan, Almatyda áleýmettik mańyzy bar azyq-túlik taýarlaryna baǵanyń kúrt sekirýi tirkelgen joq. Saýda jelileri baǵany, negizinen aınalymy joǵary taýarlar boıynsha, kezeń-kezeńimen qaıta baǵalap otyr. Alaıda áleýmettik mańyzy bar ónimder boıynsha jaǵdaı turaqty bolyp tur» delingen habarlamada.

Almatynyń jergilikti atqarýshy organdary ishki jáne syrtqy faktorlarǵa qaramastan, azyq-túlik naryǵyndaǵy jaǵdaıdyń turaqty ekenin aıtyp otyr.

1 qańtardan bastap salyq reformasy kúshine enedi. Bazardaǵy baǵa sharyqtaýy yqtımal

Jyl basynan beri áleýmettik mańyzy bar azyq-túlik taýarlarynyń tizbesi 19-dan 31 pozısııaǵa deıin keńeıtildi. 2025 jyldyń qorytyndysy boıynsha qalada ÁMAT tutyný baǵasynyń ındeksi 8,9% qurady.

Áleýmettik mańyzy bar azyq-túlik ónimderiniń baǵasy tómendedi

2025 jyly ÁMAT-qa shekti saýda ústemesin (15%-dan aspaıtyn) saqtamaǵany úshin jalpy somasy 47,1 mln teńgege aıyppul salyndy jáne 38 josyqsyz deldal tizimnen shyǵaryldy. Sondaı-aq iri saýda nysandaryna, bazarlarǵa jáne úı janyndaǵy dúkenderge monıtorıng júrgizilip jatyr.