Qarjy • 14 Qańtar, 2026

Ulttyq qordyń aktıvteri rekordtyq mejege jetti: 2026 jyly – 77,77 mlrd dollar

30 ret

kórsetildi

2 mın

oqý úshin

Elimizdiń strategııalyq «qaýipsizdik jastyǵy» sanalatyn Ulttyq qordyń jaı-kúıi týraly kezekti esep jarııalandy. 2026 jyldyń 1 qańtaryndaǵy málimetke sáıkes, qordyń jıyntyq aktıvteri 77,77 mlrd dollardy qurady, dep habarlaıdy Egemen.kz.

Qyrmyzy JUMAǴALIQYZY

Ulttyq qordyń aktıvteri rekordtyq mejege jetti: 2026 jyly – 77,77 mlrd dollar

Foto: istockphoto.com

О́tken 2025 jyldyń 9 aıynyń qorytyndysy boıynsha, Ulttyq qordy basqarýdan túsken ınvestısııalyq tabys rekordtyq deńgeıge kóterilip, 6,4 trln teńgeni (shamamen 12,6 mlrd dollar) qurady. Dál osy tabys kórsetkishi aktıvterdiń ósýine negizgi qozǵaýshy kúsh boldy.

Resmı málimetke súıensek, 2025 jyldyń basynda Ulttyq qordyń jalpy aktıvteri 29,85 trln teńgeni quraǵan. Esepti kezeńde qor qorjyny 3,84 trln teńgemen tolyǵyp, odan 5,95 trln teńge jumsalǵan. Osylaısha, qordan alynǵan qarajat kólemi túsimnen 2,1 trln teńgege artyq bolyp otyr.

Ulttyq qordyń bıylǵy ınvestısııalyq kirisi belgili boldy

Túsimderdiń negizgi ózegin, dástúrli túrde, munaı sektory uıymdarynan túsetin tikeleı salyqtar qurady. Onyń kólemi – 3,81 trln teńge. Salyqtyq túsimderdiń qurylymyna úńilsek, korporatıvtik tabys salyǵynan 1,27 trln teńge, ónimdi bólý boıynsha Qazaqstannyń úlesinen 1,20 trln teńge túsken. Sondaı-aq paıdaly qazbalardy óndirý salyǵy 680,9 mlrd teńgeni, eksportqa salynatyn renta salyǵy 442,1 mlrd teńgeni qurady. Al jer qoınaýyn paıdalanýshylardyń qosymsha tólemderi 180 mlrd teńgege jetse, bonýstar men artyq paıda salyǵynan túsken qarjy 38 mlrd teńgeden aspady.

Úkimet aldaǵy kezeńge naqty strategııalyq mindetter júktep otyr. Jańa salyq reformasynyń aıasynda 2026-2028 jyldar aralyǵynda Ulttyq qordan alynatyn qarajat kólemin jylyna 2,6 trıllıon teńgeden asyrmaı shekteý josparlanǵan. Bul qadam bıýdjettiń Ulttyq qorǵa táýeldiligin tómendetip, jınaqtaý fýnksııasyn kúsheıtýge baǵyttalǵan.

Eki jylda 28 mln dollar ıgerildi: Azamattar Ulttyq qor qarajatyn qalaı jumsap jatyr?

Memleket basshysynyń alǵa qoıǵan basty maqsaty – 2030 jylǵa qaraı Ulttyq qor aktıvterin 100 mlrd dollarǵa jetkizý. Qazirgi qarqyn men qabyldanǵan fıskaldyq sharalar osy mejege senimmen jetýge negiz qalap otyr.