Týrızm • 14 Qańtar, 2026

2026 jyly qaıda baramyz? Týrızm mınıstrligi mádenı-týrıstik is-sharalar kúntizbesin jarııalady

50 ret

kórsetildi

1 mın

oqý úshin

Qazaqstannyń Týrızm jáne sport mınıstrligi 2026 jylǵa arnalǵan mádenı-týrıstik oqıǵalar kúntizbesin daıyndady. Elimizdiń 20 óńirinde 55 aýqymdy is-shara ótedi, dep habarlaıdy Egemen.kz.

Qyrmyzy JUMAǴALIQYZY

2026 jyly qaıda baramyz? Týrızm mınıstrligi mádenı-týrıstik is-sharalar kúntizbesin jarııalady

Foto: istockphoto.com

Mınıstrliktiń málimetinshe, bul bastamanyń basty maqsaty – ishki týrızmdi jandandyrý jáne Qazaqstannyń týrıstik áleýetin tolyq ashý.

«2026 jylǵa arnalǵan kúntizbe – Memleket basshysynyń 2025 jylǵy 14 naýryzda Býrabaıda ótken Ulttyq quryltaı otyrysynda bergen tapsyrmalaryn iske asyrý aıasyndaǵy qadamdardyń biri. Bul bastama oqıǵaly týrızmdi júıeli damytýǵa, óńirlerdiń týrıstik biregeıligin nyǵaıtýǵa, qolaıly sıfrlyq sheshimder qalyptastyrýǵa jáne Qazaqstan boıynsha saıahattardyń tartymdylyǵyn arttyrýǵa baǵyttalǵan», delingen habarlamada.

Kúntizbege engizilgen 55 is-shara mádenı, etnomádenı, sporttyq, gastronomııalyq jáne ekologııalyq baǵyttardy qamtıdy. Olardyń basym bóligi jyl saıyn dástúrli túrde ótkiziletin oqıǵalar.

Basty jańashyldyqtar:

Onlaın-platforma: Týrısterge yńǵaıly bolý úshin arnaıy www.event.qaztourism.kz veb-resýrsy iske qosyldy. Platformada is-sharalardyń ótetin kúni, óńiri jáne sanaty boıynsha aqparat alýǵa bolady.
Bıznes qoldaýy: Jobalardyń kópshiligi bıznes ókilderiniń qatysýymen nemese demeýshiligimen uıymdastyrylady, bul bıýdjetke qosymsha salmaq túsirmeıdi.