Osyǵan oraı, qalalyq mádenıet úıinde bos jumys oryndary jármeńkesi ótti. Is-sharaǵa qala ákimi Ámirhan Asanov, Ahmet Baıtursynuly atyndaǵy Qostanaı halyqaralyq áýejaıynyń basqarma tóraǵasynyń orynbasary Jasulan Ysqaqov qatysty.
«Jospar boıynsha alǵashqy ushaqtar Almaty, Astana, Qostanaı baǵyttary boıynsha ushady. Iаǵnı, áýejaı bıznes, bilim berý, týrızm jáne jolaýshylar qatynasynyń jańa beleske kóterilýine jol ashady. Arqalyqtyń tranzıttik áleýeti artyp, óńir damýyna oń serpin beretin jańa múmkindikter paıda bolady», dedi qala ákimi.
«Bloomberg»-te jumys isteıtin qazaq qyzy alpaýyt kompanııaǵa qalaı jumysqa ornalasty?
Jasulan Ysqaqov Arqalyq áýejaıy iske qosylǵan soń, qala turǵyndaryn turaqty jumyspen qamtamasyz etý, halyqtyń áleýmettik jaǵdaıyn arttyrý turǵysynan da mol paıda ákeletinin aıtty.
«Búgingi bos jumys oryndary jármeńkesiniń nátıjesinde kóptegen azamattar turaqty jumysqa ornalasady. Árkim ózine qolaıly jumys taýyp, aldaǵy jazda ashylatyn áýejaıdyń halyqqa sapaly qyzmet kórsetýine úles qosatyn bolady», dedi J.Ysqaqov.
Is-shara barysynda arnaıy mamandar jumys izdeýshilerdiń túıindemelerin qabyldap aldy. Úmitkerlerdiń bári arnaıy tekserýden ótedi. Jumysqa qabyldanǵandar Qostanaı áýejaıyna oqý kýrstaryna jiberiletin ótetin bolady.
«Eki-úsh jyldan beri turaqty jumysym joq, ár jerde jaldanyp nápaqa taýyp júrmin. Biraz jyl Arqalyqtaǵy Torǵaı boksıt ken basqarmasynda arnaıy tehnıka júrgizdim. Vahtalyq jumysta boldym. Búgin júrgizýshi retinde qujat tapsyrdym. О́ıtkeni áýejaıǵa da tájirıbeli júrgizýshiler kerek», deıdi qala turǵyny Berik Ámenǵalıuly.
Meta Qazaqstan boıynsha salynatyn kontentpen jumys isteıtin qyzmetker izdep jatyr
Qostanaı oblysy
