Qazirgi tańda Almaty oblysynyń kolledjderi Qytaı, Ońtústik Koreıa, Fransııa, Túrkııa, О́zbekstan jáne Qyrǵyzstan elderiniń birqatar oqý oryndarymen yntymaqtastyq týraly kelisimsharttar jasaǵan.
Atap aıtqanda, Túrkııanyń Antalııa qalasyndaǵy Mehmet Zekı Baldjy joǵary mektebi (týrızm jáne qonaq úı bıznesi), Fransııanyń Parıj qalasyndaǵy Gııoma Tırel lıseıi jáne Elıza Lemone lıseıi oblys kolledjderimen birlesken jobalardy iske asyrýǵa nıet bildirgen.
Aldaǵy úsh jylda elimizde bilim alatyn shetel stýdentteriniń sany kúrt kóbeıedi
Sonymen qatar, Qytaıdyń Sıan qalasyndaǵy kýlınarlyq kolledjben, Fınlıandııadaǵy ECEDU kásiptik kolledji, Qyrǵyz Respýblıkasyndaǵy S.Ibraımov atyndaǵy agrotehnıkalyq kolledj, Qytaıdyń Chýnsın qalasyndaǵy oqý oryndarymen jáne Koreıanyń OFECO.LTD kompanııasymen yntymaqtastyq jóninde memorandýmdarǵa qol qoıylǵan.
2024–2025 oqý jylynda Almaty oblysynan segiz pedagog shet memleketterde taǵylymdamadan ótti. Onyń ishinde bes pedagog Túrkııada, al úsh pedagog Fransııada kásibı tájirıbe jınaqtaǵan.
Kolledj oqytýshylarynyń aıtýynsha, halyqaralyq tájirıbe kásibı damýǵa tyń serpin beredi.
«Shetelde taǵylymdamadan ótý bizge zamanaýı oqytý ádisterin meńgerýge, óndiris pen bilimniń ózara baılanysyn tereń túsinýge múmkindik berdi. Bul tájirıbe stýdenttermen jumys isteý sapasyn arttyrýǵa tikeleı áser etedi», deıdi Almaty oblysy kolledjiniń basshysy Baqytgúl Kishibaeva.
Al bilim salasyna jaýapty mekeme ókilderi bul baǵyttaǵy jumystyń aldaǵy ýaqytta da jalǵasatynyn atap ótti.
Almatyda qansha sheteldik stýdent bilim alyp júr?
«Halyqaralyq áriptestik – tehnıkalyq jáne kásiptik bilim berýdi jańǵyrtýdyń mańyzdy tetigi. Biz kolledjderdiń álemdik standarttarǵa saı damýyna jáne eńbek naryǵyna suranysqa ıe mamandar daıarlaýyna basymdyq berip otyrmyz», deıdi oblystyq bilim basqarmasynyń ókili Kenjegúl Dúısentaeva.
Budan bólek, Qytaı – Ortalyq Azııa elderi arasyndaǵy birlesken jobalar aıasynda aýyl sharýashylyǵy men tehnıkalyq mamandyqtar boıynsha kadr daıarlaıtyn jeti kolledj dırektory jáne óndiristik oqytý jónindegi bir dırektordyń orynbasary ótken jylǵy 14–24 sáýir aralyǵynda Qytaıdyń Chýnsın qalasynda oqý kýrsynan ótti. Nátıjesinde 49 yntymaqtastyq memorandýmyna qol qoıyldy.
Mamandardyń aıtýynsha, bul bastamalar Almaty oblysy kolledjderiniń halyqaralyq standarttarǵa saı damýyna, pedagogtardyń kásibı deńgeıin arttyrýǵa jáne eńbek naryǵyna qajetti bilikti mamandar daıarlaý sapasyn kúsheıtýge múmkindik beredi.
Inklıýzıvti bilim berý uıymdarynda 10 myńnan asa pedagog qyzmet etedi
Almaty oblysy.
