Foto: Ashyq derekkóz
Aq úıde ótken jabyq kezdesý men saltanatty túski as kezinde venesýelalyq saıasatker Marııa Korına Machado óziniń Nobel beıbitshilik syılyǵyn Donald Trampqa berdi. Bul erekshe qadam týraly Tramp óziniń Truth Social áleýmettik jelisindegi paraqshasynda jazdy.
«Búgin Venesýelanyń batyl qyzy Marııa Korına Machadomen júzdesý men úshin zor mártebe boldy. Ol – taǵdyrdyń talaı taýqymetin jeńgen qaısar tulǵa. Marııa meniń atqarǵan eńbegimdi joǵary baǵalap, óziniń Nobel syılyǵyn maǵan tartý etti. Bul – shynaıy qurmet pen dostyqtyń belgisi. Raqmet saǵan, Marııa!», dep jazdy AQSh prezıdenti.
Eske sala keteıik, buǵan deıin Machado bul bedeldi marapatty Tramppen bólisýge nıetti ekenin ashyq aıtqan edi. Degenmen Nobel komıteti qatań erejelerge súıenip, syılyqtyń basqa adamǵa berilýi nemese bólinýi múmkin emes ekenin resmı túrde eskertken bolatyn. Komıtet sheshimine qaramastan, Machado óz syılyǵyn Trampqa jeke tartý retinde tabystaýdy jón kórgen.
Nobel komıteti: Beıbitshilik syılyǵyn Trampqa berý múmkin emes
Marııa Korına Machado Venesýelada demokratııa ornatý jolyndaǵy janqııarlyq kúresi úshin Nobel beıbitshilik syılyǵynyń laýreaty atanǵan. 2025 jyldyń jeltoqsanynda Osloda ótken saltanatty rásimde marapatty onyń qyzy Ana Korına Sosa qabyldap alǵan edi.
Tramp Iranmen kásip júrgizetin barlyq elge 25 paıyzdyq baj salyǵyn engizdi
