ASTANA. 12 mamyr. Búgin ÝEFA Chempıondar lıgasynyń jartylaı fınaldyq básekesi aıasynda «Bavarııa» (Mıýnhen, Germanııa) men «Barselona» (Barselona, Ispanııa) arasyndaǵy qarymta oıyn ótedi. Mıýnhendegi «Alıans-Arena» stadıonynda bolatyn oıynda fınalǵa shyqqan alǵashqy komanda anyqtalady. Bul týraly egemen.kz habarlady.
Ispanııada ótken qos komanda arasyndaǵy alǵashqy oıynda «Barselona» 3:0 esebimen basym túskeni belgili. Endeshe búgin Germanııanyń komandasyna óte qıyn bolary anyq. Osy rette biz ádettegideı búgingi oıynǵa qatysty keıbir qyzyqty derekterge nazar aýdarýdy jón kórdik.
- Chempıondar lıgasy aıasynda óz alańynda ótken alǵashqy oıynda 3:0 esebimen jeńgen komandalardyń 93,7 paıyzy jarysty jalǵastyryp otyrǵan.
- «Bavarııa» birinshi kezdesýde qaqpasyna 3 nemese odan da kóp gol jiberip alǵan kezde, eshqashan kelesi kezeńge shyǵyp kórmegen. Mundaı jaǵdaı nemis komandasynyń tarıhynda 7 ret tirkelgen eken
- Al «Barselona» alǵashqy matchta 3 dop aıyrmasymen jeńgen kezde barlyǵynda jarysty jalǵastyrǵan.
- Qazirgi tańda Chempıondar lıgasynyń tarıhyndaǵy eń úzdik bombardır «Barselonanyń» shabýylshysy Lıonel Messı ekeni belgili. Onyń enshisinde 77 gol bar. Apta buryn «Bavarııamen» bolǵan oıynda Messı eki márte mergendigimen kózge tústi.
- «Barselona» týrnır barysynda qatarynan 9 oıynda jeńiske jetti. Bul – Lıga tarıhyndaǵy kezekti rekordtyq kórsetkish.
Komandalar myna quramda alańǵa shyǵýy múmkin.
