Foto: instagram.com/f.c.kairat/
24 jastaǵy jartylaı qorǵaýshy Býenos-Aıres provınsııasyna qarasty Hose-Marııa-Haýregı qalasynda dúnıege kelgen. Kásibı mansabyn «Los Andes» klýbynda bastap, keıin «Independente Rıvadavııa» jáne «Taleres» klýbynyń ekinshi komandasynda jalǵaǵan.
Odan keıin Sebastıan Sebalos Bolıvııaǵa aýysyp, «Real Orýro» klýbynda dop tepken. О́tken maýsymda ol komandasynyń kóshbasshylarynyń biri bolyp, 40 matchta 18 gol soǵyp, 5 nátıjeli paspen kózge túsken.
30 jastaǵy Lýkas Enrıke da Sılva San-Paýlý qalasynda dúnıege kelgen. Kásibı mansabyn 2015 jyly Gýaralıýstaǵy «Flamengo» klýbynda bastaǵan. Keıin «Santos» pen «Londrına» syndy tanymal brazılııalyq klýbtardyń namysyn qorǵaǵan.
Ol 2018 jyly Eýropaǵa aýysyp, Portýgalııa chempıonatynda «Marıtımý» men «Eshtorıl» quramynda birneshe maýsym óner kórsetken. 2023 jyly Ázirbaıjannyń «Gabala» klýbynda oınap, keıin Portýgalııaǵa oralyp, «Farense» klýbymen kelisimshart jasasqan. Portýgalııanyń joǵary dıvızıonynda jalpy 75 match ótkizip, úsh gol soqqan.
Brazılııalyq qorǵaýshy Túrkııanyń Birinshi lıgasynda óner kórsetetin «Van Spor» quramynda dop tepti. Onda ol 11 matchta jasyl alańǵa shyqqan.
«Qaırat» fýtbol klýby atalǵan oıynshylardyń Chempıondar lıgasy aıasynda 20 qańtarda «Astana Arenada» ótetin belgııalyq «Brıýggege» qarsy matchta alańǵa shyǵýyna qatysty aqparat bermegen.
Aıta keteıik, 28 qańtar kúni «Qaırat» Londonda «Arsenalǵa» qarsy jasyl alańǵa shyǵady.
Eske salaıyq, buǵan deıin «Qaırat» sapynan ızraıldik jartylaı qorǵaýshy Ofrı Arad ketkenin habarlaǵanbyz.
