foto: Qorǵanys mınıstrligi
Qazaqstan Qarýly kúshterinde Memleket basshysynyń tapsyrmalaryna sáıkes tárbıe jumysyn kúsheıtý jáne áskerı tártipti nyǵaıtý jónindegi atqarylyp jatqan barlyq bastamalardyń basynda tárbıeshi ofıserler tur. Olardyń úlesi tek moraldyq rýhty qoldaýǵa ǵana emes, sonymen qatar armııanyń tártibi men jaýyngerlik ázirligin nyǵaıtýǵa baǵyttalǵan.
Salada atqarylǵan jumystar aıasynda komandırlerdiń tárbıe jáne ıdeologııalyq jumys jónindegi orynbasarlary qyzmetindegi bes negizgi baǵyt aıqyndaldy. Onyń ishinde qaýipsizdik máselelerine, quqyq buzýshylyqtardyń aldyn alýǵa, áskerı qyzmetshilerdiń quqyqtaryn qorǵaýǵa jáne olardyń kásibı quzyretterin damytýǵa jaǵdaı jasaýǵa barynsha kóńil bólinip jatyr.
Respýblıka kúni qarsańynda júzden asa oqýshy bolashaq ofıserlerge qonaqqa bardy
Áskerdiń qoǵamǵa ashyqtyǵy da birtindep kúsheıtilip keledi. Depýtattardyń, Bas redaktorlar klýby ókilderiniń jáne «Analar júregi» sarbaz analary komıtetiniń qatysýymen aqparattyq-túsindirý is-sharalarynyń kesheni júzege asyrylyr jatyr.
Aldyn alý jáne psıhologııalyq qoldaýdyń kóp deńgeıli júıesi qalyptasty. Zamanaýı dıagnostıkalyq ádister men sıfrlyq monıtorıng quraldary qoldanylyp, áskerı psıhologtardyń daıarlyq deńgeıi arttyrylyp keledi. Áskerı qyzmetshiler men olardyń otbasy músheleriniń densaýlyǵyn qorǵaý jáne medısınalyq kómektiń sapasyn jaqsartý boıynsha qosymsha sharalar qabyldandy.
Jastardy áskerı-patrıottyq tárbıeleýdi damytý baǵytynda júıeli jumys júrgizilip jatyr. Normatıvtik-quqyqtyq baza jańartylyp, óńirlerde mektep oqýshylarymen, stýdenttermen jáne eńbek ujymdarymen kezdesýler ótkizetin kóshpeli aqparattyq-nasıhattyq toptar uıymdastyrylǵan.
Áskerı qyzmettiń qaýipsizdigin arttyrý maqsatynda táýekelderdi monıtorıngileýdiń sıfrlyq júıeleri men zamanaýı keri baılanys arnalary engizildi. Senim telefondary, «AIsulu» Telegram-boty, sondaı-aq merzimdi áskerı qyzmet sarbazdarynyń jaqyndarymen baılanysý úshin apta saıyn paıdalanatyn «Otbasymen beıneqońyraý» servısi jumys isteıdi.
