Prezıdenttiń aıtýynsha, osy kezeń ishinde qoǵamda eldiń joǵary zań shyǵarýshy organyn transformasııalaýdyń maqsattary men mindetteri týraly durys ári ornyqty túsinik qalyptasty. Bul qoǵamdyq pikirdiń pisip-jetilgenin jáne reformalarǵa degen suranystyń artqanyn kórsetedi.
Qasym-Jomart Toqaev qyrkúıek aıynda halyqqa arnaǵan Joldaýynan keıin órbigen qoǵamdyq pikirtalastardy muqııat qadaǵalap otyrǵanyn jetkizdi. Memleket basshysy talqylaý nátıjelerin, saraptamalyq qorytyndylardy, usynylǵan konstıtýsııalyq túzetýlerdiń jobalaryn, sondaı-aq azamattardan kelip túsken bastamalardy jan-jaqty zerdelep otyrǵanyn atap ótti.
Toqaev: Konstıtýsııanyń birden birneshe bólimin qaıta qaraý qajet bolady
Onyń sózinshe, bul derekter aldaǵy konstıtýsııalyq reformanyń mazmunyn aıqyndaýda mańyzdy negizge aınalady.
