Foto: Aqorda
«Aral máselesin qozǵamaý múmkin emes. Aral teńizin qutqarý búkil adamzat úshin áli de asa mańyzdy mindet bolyp otyr. Men bul máseleni halyqaralyq alańdarda birneshe ret kóterdim», dedi Memleket basshysy.
Osy rette Qasym-Jomart Toqaev kópjyldyq júıeli jumystyń arqasynda Soltústik Araldy saqtap qalýǵa múmkindik týǵanyn aıtty. Toqaev teńizdi qalpyna keltirý jobasy bastalǵanyna bes jyl bolǵanyn eske saldy.
Memlekettik keńesshi: Býrabaıdaǵy quryltaıdan keıin 6 zań qabyldanyp, 10 zań jumysqa alyndy
Prezıdent Aral óńiriniń ekojúıesin qalpyna keltirý baǵytyndaǵy júıeli jumysty jalǵastyrýdyń jáne osy máseleni sheshýge halyqaralyq qaýymdastyqty tartýdyń mańyzdylyǵyn atap ótti.
«Qazir Kókaral bógetin bıiktetý sharalary qolǵa alynyp jatyr. Joba osy jyldyń sońynda bastalady. Kishi Araldyń sýynyń kólemin aıtarlyqtaı kóbeıtýge múmkindik bolady. Biraq bul – tek bizdiń qolymyzda turǵan másele emes. Qazaqstandaǵy iri ózenderdiń kóbi bastaýyn kórshi memleketterden alady. Darııanyń basynda turǵan elderdiń sý salasyndaǵy saıasatyna baılanysty Syrdyń sýy teńizge ár kezde ártúrli kólemde jetedi. Demek kóp túıtkildiń sheshimi sý salasyndaǵy sheber dıplomatııaǵa baılanysty. Qazir Ortalyq Azııa elderiniń bárimen sý resýrstaryn birlese paıdalaný týraly kelisimder jasaldy. Túptep kelgende, Aral ǵana emes, Kaspııdiń, Balqashtyń, Ertistiń taǵdyryn sheshý úshin kórshilermen mámilege kelip, kelisimderge qol qoıýymyz qajet», dedi ol.
Qasym-Jomart Toqaev sý elimiz úshin strategııalyq resýrs ekenin aıtyp, sý máselesimen júıeli túrde aınalysý kerektigin atap ótti.
«Men byltyr Birikken Ulttar Uıymy aıasynda Halyqaralyq sý uıymyn qurýdy usyndym. Birikken Ulttar Uıymyn reformalaý barysynda osy máseleni alǵa qaraı jyljytýymyz qajet. Aldaǵy sáýirde Astanada Halyqaralyq ekologııa sammıti ótedi. Jıynda Araldy qutqarý qoryna múshe memleketter basshylarymen Aral máselesin talqylaımyz. Kishi Araldyń qalpyna kelýi búkil Syr óńirin odan ári kórkeıtýge jol ashady dep úmittenemiz», dedi Prezıdent.
200-den astam usynys: Quryltaıdyń seksııalyq otyrystarynda ne talqylandy?
Eske salaıyq, Qyzylordada Memleket basshysy Qasym-Jomart Toqaevtyń tóraǵalyǵymen Ulttyq quryltaıdyń V otyrysy ótip jatyr.
