Foto: Aqorda
Memleket basshysy Reformalardyń jańa kezeńinde elimizge qoǵamdyq damýdyń barlyq máseleleri boıynsha jalpyulttyq dıalogty turaqty túrde júrgizýge arnalǵan keń aýqymdy platforma, minber qajet ekenin aıtty.
«Jańa ınstıtýt retinde Qazaqstannyń Halyq keńesin qurýdy usynamyn. Jańa organnyń qyzmetinde Qazaqstan halqy Assambleıasy men Ulttyq quryltaıdyń fýnksııalarynyń strategııalyq sabaqtastyǵyn, qazaq memlekettiligi men Qazaqstan Respýblıkasynyń Táýelsizdigin dáıekti túrde nyǵaıtýdy saqtap qalý óte mańyzdy. Sonymen qatar, Halyq keńesi basqa elderdiń konsýltatıvtik qurylymdarynyń tájirıbesin boıyna sińirgen jańa memlekettik organǵa aınalady. Onyń quramynda barlyq etnos, halyqtyń áleýmettik toby men óńirler ókildik alady.
Qazaqstannyń Halyq keńesi Qazaqstannyń eldegi joǵary konsýltatıvtik organ mártebesine ıe bolady», dedi Qasym-Jomart Toqaev.
Qasym-Jomart Toqaev keńes quramyn 126 adamnan jasaqtaýdy usyndy:
42 adam – etnomádenı birlestikterden;
42 adam – iri qoǵamdyq birlestikterden;
42 adam – máslıhattar men óńirlik qoǵamdyq keńesterden.
Halyq keńesiniń barlyq múshesin Prezıdent taǵaıyndaıdy, al tóraǵasyn onyń músheleri saılaıdy. Keńes tóraǵasynyń qoǵamdyq negizde rotasııalyq tártippen taǵaıyndalatyn eki orynbasary, sondaı-aq hatshylyq basshysy bolady.
Memleket basshysy jańa Parlamenttiń ataýyn «Quryltaı» dep ataýdy usyndy
Sonymen qatar Memleket basshysy kisi qolynan qaza tapqan Nuraıdyń basynda bolǵan jaǵdaıǵa da asa mán berdi.
Buǵan deıin Qasym-Jomart Toqaev Aral teńizi máselesine qatysty pikir bildirip, ony saqtaý búkil adamzat úshin ózekti mindet ekenin aıtqan bolatyn.
