Foto: gov.kz
Memleket basshysy osy maqsatta elimizdiń IT-ınfraqurylymy senimdi jáne úzdiksiz jumys isteýge qajetti qýatty derekter ortalyqtaryn salý úshin aldyn ala arnaıy aımaqtardy anyqtaý qajet ekenin aıtty.
«Belgilengen alańdarda elektrmen jabdyqtaý, salqyndatý jáne qaýipsizdik júıeleri bar derekterdi óńdeý ortalyqtaryn salý qajet. Úkimet Pavlodar oblysynyń ákimdigimen birlesip Ekibastuz basseıniniń energetıkalyq bazasynda derekterdi óńdeý ortalyǵyna arnalǵan aımaq salýdy josparlap otyr. Jaqsy usynys. Onyń qanshalyqty sátti júzege asyrylatynyn baqylaımyz», dedi Qasym-Jomart Toqaev.
Sondaı-aq Prezıdent atom elektr stansııasy qurylysynyń aıaqtalǵanyn kútpeı jańa energetıkalyq qýattardy iske qosý máselesin qarastyrýdy atap ótti.
Elde nege áýe otyny joq? Qasym-Jomart Toqaev jaýapty mamandarǵa eskertý jasady
«Atalǵan derekter ortalyqtary metallýrgııalyq kombınattarmen birdeı qýat tutynady. Sondyqtan eldiń ózin-ózi energetıkalyq qamtamasyz etý máselesi memlekettik saıasattyń mańyzdy bóligi retinde qarastyrylýy kerek», dedi Memleket basshysy.
Sonymen qatar Memleket basshysy Ulttyq quryltaıda kisi qolynan qaza tapqan Nuraıdyń basynda bolǵan jaǵdaıǵa da asa mán berdi.
Buǵan deıin Qasym-Jomart Toqaev Aral teńizi máselesine qatysty pikir bildirip, ony saqtaý búkil adamzat úshin ózekti mindet ekenin aıtqan bolatyn.
