«Ýtro Rossıı» baǵdarlamasynda Mańǵystaý óńiriniń tereń tarıhy, tabıǵı landshafty, salt-dástúri men túıe sútinen jasalǵan ulttyq taǵamdary týraly maǵlumat berildi. Birinshi beınematerıalda sheteldik jýrnalıster Aqtaýdyń boıtumaryna jáne vızıt kartochkasyna aınalǵan – «Maıak» shamshyraǵymen tanysty. Turǵyn úı tóbesine shamshyraq ornatý álemde tuńǵysh ret 1974 jyly aqmarjan qala Aqtaýda iske asyrylǵan eken. Sonymen birge jýrnalıster jartasty soqpaqty aralap, óńirdegi balyq sharýashylyǵynyń damý áleýetimen tanysty.
Týrıstik kúntizbe: Bıyl Mańǵystaýda qandaı is-sharalar ótedi?
Beınematerıalda qazaq halqynyń qonaqjaı qasıeti men darhan peıiline, mol dastarhanyna aıryqsha toqtalyp, alǵysyn bildirgen tilshiler balyq asyp, ıaǵnı «fıshbarmaq» daıyndap, túıe sútinen jasalatyn ónimderdiń dámin tatty. Túsirilim toby turǵyndardy úzdiksiz aýyz sýmen qamtý jumysyn júzege asyryp otyrǵan «Kaspıı» sý tushytý zaýytynyń jumysymen de tanysty.
Túsirilim toby Bozjyra shatqalyna baryp, túbektiń tumsa tabıǵatyna tamsandy. Túıe sútinen ázirlengen ónimderdiń ereksheligine toqtalyp, irimshik daıarlaıtyn mamandarmen áńgimelesti. Sıýjet Mańǵystaý oblysynyń tabıǵı, mádenı jáne týrıstik áleýetin keńinen nasıhattaýǵa, sondaı-aq halyqaralyq aýdıtorııa úshin óńirdiń oń ımıdjin qalyptastyrýǵa baǵyttaldy.
О́nerpaz Bozjyra shatqalynda «Interstellar» fılminiń kompozısııasyn oryndady
