Baıqaý úsh kezeńge bólinip berilgen kitaptardy oqyp, onlaın test tapsyrdy. Testen joǵary upaı jınaǵan oqyrmandar tórtinshi kezeńge iriktelip alynyp, oqylǵan shyǵarmalary týraly esse jazdy.
Máselen, 10-14 jas aralyǵyndaǵy balalarǵa Baýyrjan Momyshulynyń «Ushqan uıa», Rústem Saýytbaıdyń «Shoko álem», Nur Dombaıjynyń «Qabaǵy tunjyr balaqaı» shyǵarmalaryn oqý tapsyrylǵan. Al 15-18 jas aralyǵyndaǵy jasóspirim oqyrmandar Oralhan Bókeıdiń «ataý keresin», Spandııar Kóbeevtiń «Oryndalǵan arman» memýarlyq romanyn, Ivan Týrgenevtiń «Ákeler men balalar» romanyn oqyǵan.
Baıqaýǵa 19 jastan joǵary sanattaǵy eresekter de qatysty. Olardyń qatarynda stýdentter, jumysshylar, dárigerler, muǵalimder, memlekettik qyzmetshiler, kásipkerler, zeınetkerler bar. Atalǵan sanattaǵy úmitkerler Sábıt Muqanovtyń «Aqqan juldyz» romanyn, Tólen Ábdiktiń «О́liara» romanyn oqyǵan.
Baıqaýdyń qorytyndy kezeńine súrinbeı ótken 122 oqyrman L.Tolstoı atyndaǵy oblystyq ǵylymı-ámbebap kitaphanasyna kelip esse jazdy.
«Oqy jáne jeń» jobasynyń aýqymy jyldan jylǵa keńeıip keledi. Ásirese, Qostanaı qalasy men Qostanaı aýdanynyń, Jangeldın, Qarasý, Uzynkól, Áýlıekól, Qarabalyq, Jitiqara, Beıimbet Maılın aýdandarynan kóp oqyrman qatysty. Osy baıqaýdyń nátıjesi shyǵar, óńirde kitap oqıtyn turǵyndardyń edáýir kóbeıgeni baıqalyp otyr. Qorytyndy kezeńge ótken oqyrmandar jazǵan esselerdi qazylar alqasy tekserip, baǵalap, oǵan aldyńǵy kezeńderde jınalǵan upaı sandaryn qosyp, jeńimpazdardy anyqtap qoıdy. Jeńimpazdar aldaǵy ýaqytta ótetin saltanatty jıynda arnaıy dıplomdarmen, qomaqty qarjysy bar setrtıfıkattarmen, baǵaly syılyqtarmen marapattalatyn bolady», deıdi kitaphana dırektory Sánııa Serikqyzy.
Qostanaı oblysy
