Kaspi elimizdiń 300 qalasy men aýylyna tapsyrysty jetkizýdi qalaı uıymdastyrdy?

Kaspi elimiz boıynsha óte kóp satýshy men satyp alýshylardy baılanystyrady. Kóptegen otandyq óndirýshiler Kaspi Magazın arqyly óz ónimderin búkil el aýmaǵynda tikeleı satý múm­kindigine ıe boldy. Mysaly, Qaraǵandy oblysynyń Abaı qala­synda ornalasqan zamanaýı ón­diristik kásiporyn – Abaı tigin fabrıkasy.

Abaı tigin fabrıkasynda 100-den astam adam jumys isteıdi: tiginshiler, pishýshiler, tehnıkalyq mamandar

Kásiporyn qysqy kúrteshe­ler, sport­tyq kostıýmder, tósek-oryn jab­dyq­ta­ry, arnaıy jumys kıimderi, basqa da toqy­ma ónimderin shyǵarady. Kaspi Magazın­niń kómegimen Abaı fabrıkasy elimizdiń barlyq óńirinen tapsyrys alady.

Jýyrda tapsyrystardyń biri Aqtaý­dan tústi. Kópbalaly ana Gúlmıra Taǵaeva úlken qyzyna ashyq tústi sport­tyq kúr­teshege tapsyrys bergen. Úsh kúnnen keıin satyp alýshy óz tapsyrysyn eń jaqyn Kaspi Postomat-tan alady. Osy bir qysqa ýaqyt ishinde satyp alynǵan zat 3 myń shaqyrymnan astam jol júredi. Al ony tasy­maldaýǵa birden birneshe óńirlik logıstıkalyq kompanııa qatysady.

Kaspi.kz-tiń seriktesi - Zammler kompanııasynyń tapsyrystardy qabyldaý pýnkti

2025 jyly Kaspi Jetkizý ar­qy­­ly júk kólikterine arnalǵan shı­­­nalar men jıhazdan bastap, elek­tronıka men kıimge deıin 161 mıl­lıonnan astam tapsyrys jet­kizil­di. Kaspi dúkenindegi pikir­ler­de satyp alýshylar «Raqmet, mer­­ziminen buryn jetkizildi! О́te jaq­sy oralǵan!» degendi jıi jazady.

Biz taýardyń satýshydan satyp alý­shyǵa deıingi barlyq kezeńinen ótip, bul júıeniń is júzinde qalaı jumys isteıtinin kózben kórdik.

Aldymen satýshy óz taýaryn tapsyrystardy qabyldaý pýnktine ákeledi. Búginde elimiz boıynsha jalpy aýdany 37 000 m² bolatyn osyndaı 100 pýnkt jumys isteıdi. Ár óńirdegi qabyldaý pýnktteri Kaspi.kz-tiń seriktesteri bolyp sanalatyn táýelsiz kompa­nııalarǵa tıesili. Pýnktter demalyssyz jumys isteıdi, al búkil el boıynsha tapsyrys­tardy qabyldaýmen 1 myńnan astam qyz­metker aınalysady.

Kaspi.kz-tiń seriktesi - Zammler kompanııasynyń suryptaý ortalyǵy

Qabyldaý pýnktterine jetken tapsyrystar ári qaraı óńir­lik suryptaý or­talyqtaryna jibe­riledi. Bul – elimiz­diń 10 óńirinde salynǵan iri logıstıkalyq ­keshen.

Árbir suryptaý ortalyǵy zamanaýı jabdyqtarmen qam­tamasyz etilgen jáne demalyssyz, táýligine júz myńdaǵan tapsyrysty óńdeýge qabiletti. Eń iri su­ryp­taý ortaly­ǵy Almaty qalasynda ornalas­qan, onyń aýmaǵy 30 000 m². Elimiz bo­ıynsha óńirlik ortalyqtarda ­aýysymmen 1 500-den astam adam jumys isteıdi.

О́ńirlik suryptaý ortalyq­tarynyń arasynda 650 júk kóligi, poıyzdar, tipti ushaqtar úzdiksiz qatynap, eldiń barlyq óńirin biryńǵaı logıstıkalyq jelige biriktiredi.

Posta Point kýrerlik kompanııasynyń qoımasynda

Osylaısha, tapsyrys satyp alýshy­nyń óńirindegi suryptaý ortalyǵyna kelip jetedi. Osy jerden ony kýrerlik kompanııalar alyp, óz qoımalaryna jet­kizedi. Ol jerde tapsyrystar aýdandar boıynsha bólinip, satyp alýshylarǵa jetkizý úshin toptastyrylady. Kaspi Jetkizýdiń elimiz boıynsha osyndaı 60 serik­tes kompanııasy bar, olardyń árqaısysynda jeke qoımalardyń úlken jelisi qalyptasqan. Kaspi Magazın­nen taýar jetkizýmen aınalysatyn kýrer­lik kompanııalarda 7 myń adam jumys isteıdi. Olardyń basym bóligi — kýrerler men qoıma qyzmetkerleri.

Kaspi Jetkizýdiń seriktestik modeli óńirlik logıstıkalyq kom­panııalar­­­dyń damýyna múmkindik berip, búkil el ­bo­ıynsha jańa jumys oryndaryn ashýǵa jaǵdaı jasaıdy.

Posta Point kompanııasynda tapsyrystar jetkiziletin aýdandar boıynsha úlken qaptarǵa suryptalyp salynady.

Eger Kaspi Magazınnen satý­shydan satyp alýshyǵa deıingi jetkizý úderi­sine qatysatyn barlyq mamandy eseptesek, olar­dyń sany 10 000 adamnan asady. Bul — logıster, júrgizýshiler, ký­rerler, qabyldaý pýnktteriniń, suryp­taý ortalyqtary men qoıma­lardyń qyz­metkerleri, basqa da mamandar.

Ártúrli óńirler men túrli seriktes uıymdardaǵy osynsha kóp adam qalaısha birlese, úıle­simdi túrde jumys istep, mıl­lıondaǵan taýardy qysqa mer­zimde eldiń kez kelgen núktesine jet­kizedi? Úılesimdi jumys eki negizgi komponenttiń arqasynda qamtamasyz etiledi.

Birinshisi — Kaspi koman­dasy ázir­legen Logistics Opera­tion Management (LOM) IT-plat­formasy. Bul biryńǵaı IT-plat­forma barlyq sálemdemeni, qoı­malardy, júk kólikterin, ushaq­tar­dy, kýrerlerdi, basqa da logıstıkalyq resýrstardy bir júıege biriktirip, olardy naq­ty jetkizý baǵyttary men tap­syr­malarǵa jınaqtaıdy. Júıe ár tapsyrysty naqty ýaqyt reji­minde baqylap otyrady, kýrer­lerge tapsyrmalar beredi, suryptaý orta­lyqtary men tasymaldaýshylardyń jumysyn úılestiredi, baǵyttardy qurýǵa jáne esepter jasaýǵa kómektesedi.

Ekinshisi — «Standartty operasııalyq protokol» (SOP). Qujattyń ózinde onyń maqsaty: «Elimizdiń búkil aýmaǵynda tıim­dilik pen sapanyń biryńǵaı joǵary standartyn qamtamasyz etý» dep naqty kórsetilgen. Bul — barlyq seriktesterge arnalǵan egjeı-tegjeıli nusqaýlyq. Ol satý­shylar men tapsyrystardy qa­byldaý pýnktterinen bastap, qoımalar men kýrerlerge deıingi barlyq úderisti qamtıdy.

Taler kompanııasynyń júk kólikteri. Bul Kaspi.kz-tiń elimiz boıynsha magıstraldyq tasymaldaýdy júzege asyratyn logıstıkalyq seriktesteriniń biri

Mysaly, qoımalardyń árbir sanaty úshin aýmaq qandaı bolýy tıis ekeni, temperatýra, júk jáne jeńil avtokólik­ter­ge arnalǵan turaq oryndarynyń sany, qabyldaý aımaǵyndaǵy jab­dyqtar, ­taýarlardy tıeý men túsirý úshin táý­lik boıǵy qol­jetimdilik, beınebaqy­laý jáne jaz­balardy saqtaý talap­tary, naqty aımaqtarǵa bólý – qabyldaý men saqtaý aımaqtarynyń ajyratylýy, qoıma qyzmetkerleriniń eńbek jaǵdaılary jáne basqa da talaptar naqty kórsetilgen. Budan bólek, onda­ǵan túrli parametrleri egjeı-tegjeıli sıpattalǵan.

Jetkizýdi satyp alýshylar men satýshylar úshin tıimdi etý maqsatynda Kaspi shyǵyndardyń basym bóligin óz moı­nyna alady. Sońǵy úsh jyl ishinde Kaspi Jetkizý ınfraqurylymyna óz qarajaty esebinen 200 mıllıard teńgeden astam ınvestısııa saldy.

Mine, satyp alynǵan taýar aqyry satyp alýshynyń qalasyna jetti. Kýrerlik kompanııaǵa ba­qytty klıentke tapsyrý ǵana qa­lady. Muny eki tásilmen jasaýǵa bolady: taýardy tikeleı qolyna berý nemese Kaspi Postomat-qa jetkizý.

Satyp alýshylardyń basym bóligi Kaspi Postomat arqyly jet­kizýdi tań­daıdy. Sebebi bul álde­qaıda yńǵaıly: kýrerdi kútý­diń qajeti joq, taýardy kez kel­gen ýaqytta alyp ketýge bolady. Búginde elimiz boıynsha 10 myń­nan astam osyndaı qurylǵy orna­tylǵan. Iri qalalarda olardy ár qadam saıyn kez­destirýge bo­lady, al aýyldarda kóbine orta­lyq kóshelerde ornalasqan. Kaspi Postomat, ádette, úıden nemese keńseden 5 mınýttyq jerde qoljetimdi.

Esikke deıin jetkizýmen salys­tyr­ǵanda, Kaspi Postomat arqyly jetkizý yńǵaılyraq, ekologııalyq turǵydan tıimdi jáne qalalyq logıstıkaǵa túsetin júktemeni azaıtady. Bir kýrer bir reıs barysynda bir Kaspi Postomat-qa 30-ǵa deıin sálemdeme jetkize alady. Kýrerler reısti neǵurlym az jasasa, soǵurlym janarmaı az ja­ǵylady jáne kepteliste ótkiziletin ýaqyt ta qysqarady. Bul, ásirese, Almaty sııaqty iri qalalar úshin asa mańyzdy.

Aqtaý qalasynyń turǵyny Gúlmıra Taǵaeva Abaı tigin fabrı­kasynan tapsyrys bergen kúr­teshe de tikeleı Kaspi Postomat-qa jetkizildi.

Gúlmıra Taǵaeva, satyp alýshy, Aqtaý

Jetkizýdiń bastalýy men tapsyrys­ty ashqanǵa deıin nebári úsh kún ótti. Osy ýaqyt ishinde tapsyrys júrip ótken baǵyttyń bárinde kóptegen adam bar kúshin salyp, ananyń syılyǵyn der kezinde jetýin qamtamasyz etti.

Kaspi-diń satýshylar men satyp alýshylardyń arasynda yń­ǵaıly ári tıimdi tutas júıe qura alǵany el aýqymynda úlken ekonomıkalyq áser berip otyr. О́ndirýshiler men saýda kompanııalary basqa qalalarǵa taýar jóneltý arqyly satylym kólemin arttyrýda. Logıstıkalyq kompanııalar men qoımalar jetkizýden tabys taýyp, ınfraqurylymdy damytýǵa ınvestısııa salyp, óńir­lerde jańa jumys oryndaryn ashyp jatyr.

2025 jyly tek Kaspi Maga­zın­niń ózi ǵana memleketke 126 mıllıard teńgeden astam, al 3 jylda 336 mlrd teńge salyq tóledi. Bul Kaspi-men birge ósip, damyp jatqan seriktester – dúkender men logıstıkalyq kompanııalardy esepke almaǵandaǵy kórsetkish.

Taıaýda ǵana el aýmaǵynyń keń­digi men halyq tyǵyzdyǵynyń tómen­diginen Qazaqstanda logıs­tıkany damytý tıimsiz dep esep­teletin. Alaıda Kaspi bul túsinikti túbegeıli ózger­tip, jaqsy uıymdastyrylǵan jetkizý júıesi barshaǵa tıimdi ekenin is júzinde dáleldedi.