Is-shara barysynda derekti fılmdi memlekettik saqtaýǵa qabyldaý týraly resmı qujatqa qol qoıyldy.
Fılmde «Aıgúl» ansambliniń ánshisi, 40 jylǵa jýyq «Qazaqstan» telearnasynda qyzmet etken qazaq televızııasynyń ardageri, Mádenıet qaıratkeri, «Qurmet» ordeniniń kavaleri Qarlyǵash Murtazınanyń ónerdegi joly baıandalady. Kartınada ánshi taǵdyry arqyly qazaq halqynyń tarıhy, turmys-tirshiligi, salt-dástúri kórsetilgen.
«Qarlyǵash» derekti fılmi Úndistan, AQSh, Fransııa, Ulybrıtanııada ótken kınofestıvalderde túrli nomınasııalar boıynsha júldelerge ıe bolǵan.
Fılmdi kanadalyq rejısser Marına Desıatkına men operator Valerıı Degtıarev taspalaǵan.
