Baǵdarlamanyń maqsaty – Ulttyq bank pen onyń enshiles uıymdary úshin, sondaı-aq Qarjy naryǵyn retteý jáne damytý agenttigi úshin bilikti kadrlar daıarlaý.
Oqý 2026 jylǵy tamyz aıynda bastalyp, 2 akademııalyq jylǵa sozylady. Ýnıversıtetke qujat qabyldaý 13 aqpanǵa deıin jalǵasady. Oqýǵa túsý úshin ýnıversıtet pen Ulttyq banktiń talaptaryna jáne sharttaryna sáıkes 2026 jylǵy mamyr men maýsym aılary aralyǵynda ótkiziletin konkýrstyq irikteýden ótý qajet.
Oqýdy aıaqtaǵannan keıin jáne eki jaqty áńgimelesýden soń Ulttyq bankke, onyń fılıaldary men enshiles uıymdaryna, sonymen qatar Qarjy naryǵyn retteý jáne damytý agenttigine jumysqa ornalasý múmkindigi qarastyrylady.
Baǵdarlamalardyń mazmuny men oqýǵa qabyldaý talaptary https://gsb.nu.edu.kz/kz/msc_in_finance jáne https://ssh.nu.edu.kz/kz/mae saıttarynda qoljetimdi.
