Qaıǵyly jaǵdaı 20 qańtar kúni Erimbetov pen Rysqulov kósheleriniń qıylysynda bolǵan. Eki kólik soqtyǵysqannan keıin júrgizýshiler arasynda janjal týyndap, arty tóbeleske ulasqan. Janjalǵa úshinshi kólikpen jetken tanystary da aralasyp, jaǵdaı ýshyǵyp ketken.
Qaqtyǵys kezinde birneshe adam pyshaq jaraqatyn aldy. Sonyń saldarynan 40 jastaǵy er adam alǵan jaraqattarynan oqıǵa ornynda mert boldy. Taǵy bir 1990 jyly týǵan azamat aýyr halde aýrýhanaǵa jetkizilip, oǵan shuǵyl túrde operasııa jasaldy.
Quqyq qorǵaý organdary oqıǵaǵa qatysy bar degen kúdikpen tórt adamdy ustady. Qazir qylmystyq is «Kisi óltirý», «Buzaqylyq» jáne «Adam urlaý» baptary boıynsha tergelip jatyr.
