Foto: gov.kz
Qarasaı aýdanynyń bilim bólimi bergen málimetke sáıkes, oqıǵa 21 qańtar kúni tańerteń bolǵan. Birinshi sabaqtan keıingi úzilis kezinde 9 «G» synyby oqýshysynyń jaǵdaıy kúrt nasharlaǵan. Mektep ákimshiligi dereý jedel medısınalyq járdem brıgadasyn shaqyrǵan.
«Jedel medısınalyq járdem brıgadasy kórsetken reanımasııalyq jáne medısınalyq kómekke qaramastan, balany aman alyp qalý múmkin bolmaı, ol oqıǵa ornynda qaıtys boldy. Bul oqýshynyń otbasy, jaqyndary jáne mektep ujymy úshin aýyr qaıǵy», dep habarlady Qarasaı aýdanynyń bilim bólimi.
Vedomstvonyń málimetinshe, jedel járdem kelgen sátte mektepte jergilikti atqarýshy organdardyń, quqyq qorǵaý qurylymdarynyń, bilim bóliminiń ókilderi, sondaı-aq psıhologııalyq qoldaý mamandary bolǵan.
Shymkentte dene shynyqtyrý sabaǵynda oqýshy qaıtys boldy
«Qazirgi ýaqytta osy derek boıynsha ýákiletti organdar tekserý jáne tergeý jumystaryn júrgizip jatyr. Marqumnyń máıiti sot-medısınalyq saraptamaǵa jiberildi. Onyń qorytyndysy boıynsha qosymsha aqparat beriledi», dep tolyqtyrdy bilim bólimi.
