Qazaqstan úshin bul toǵyzynshy qysqy Olımpıada oıyndary bolmaq. Komanda sporttyń 10 túri boıynsha óner kórsetedi.
2026 jylǵy Olımpıadanyń basty ereksheligi – genderlik teńgerimniń saqtalýy. Ulttyq qurama sapynda tájirıbeli sportshylarmen qatar, Olımpıadada alǵash ret baq synaıtyn debıýtanttar da bar. Atap aıtqanda, 18 sportshy Olımpıada oıyndaryna tuńǵysh ret qatysady.
2018 jylǵy Olımpıadanyń júldegeri Iýlııa Galysheva óz sporttyq mansabyndaǵy besinshi Olımpıadasyn ótkizedi. Al short-trek sheberleri Abzal Ájǵalıev pen Denıs Nıkısha Olımpıada oıyndaryna tórtinshi ret qatysady.
Sondaı-aq komanda quramynda álem chempıonattarynyń júldegerleri Mıhaıl Shaıdorov pen Anastasııa Gorodko bar.
Ulttyq quramanyń eń jas múshesi – 16 jastaǵy Asan Asylhan. Ol Azııa oıyndarynyń júldegeri.
Aıta keteıik, 2026 jylǵy XXV Qysqy olımpıada oıyndary 6-22 aqpan aralyǵynda Italııanyń Mılan jáne Kortına-d'Ampesso qalasynda ótedi.
