Qazirgi ýaqytta Beıneý aýdandyq aýrýhanasynda túrli jaraqat alǵan 7 naýqas em qabyldap jatyr. Dárigerlerdiń málimetinshe, olardyń barlyǵynyń jaǵdaıy turaqty. Zardap shekkenderge qajetti medısınalyq kómek tolyq kólemde kórsetilip jatyr. Oblys ákimi naýqastardyń hal-jaǵdaıyn surap, medısınalyq kómektiń sapaly ári ýaqtyly kórsetilýin qamtamasyz etý jóninde naqty tapsyrmalar berdi.
Sapar barysynda Nurdáýlet Qılybaı jol-kólik oqıǵasy saldarynan qaza tapqan azamattardyń otbasylaryna arnaıy baryp, qaıǵyryp kóńil aıtty.
Aıta keteıik, 16 qańtarda respýblıkalyq mańyzy bar Aqtaý – Beıneý avtojolynda jol-kólik oqıǵasy bolyp, saldarynan adam shyǵyny tirkelip, birqatar azamat túrli deńgeıdegi jaraqattar aldy.
Oblys ákiminiń tapsyrmasyna sáıkes medısınalyq kómekti kúsheıtý maqsatynda aýdanǵa sanıtarııalyq avıasııa jelisi arqyly bilikti profıldik joǵary sanatty mamandar toby jiberildi. Jergilikti atqarýshy organdar janynan jedel shtab quryldy.
