Premer-mınıstr Oljas Bektenov qarjy mınıstri Mádı Takıevtiń baıandamasyn tyńdady.
Onyń aıtýynsha jekemenshik mektepter sany 2020 jyly 203-ten 2025 jyly 878-ge deıin artqan, al oqýshylar sany bes jyl ishinde alty esege, ıaǵnı 53 myńnan 322 myń balaǵa deıin ósken. Sondaı-aq atalǵan baǵyt boıynsha bıýdjet shyǵystarynyń kólemi 2020 jylǵy deńgeıden (13,3 mlrd teńge) 20 ese asyp, 248 mlrd teńgeni qurady.
Memlekettik tapsyrysqa moratorıı: Jekemenshik mektepterdiń qarjylandyrylýy túbegeıli ózgeredi
2025 jyldyń sońyna deıin jekemenshik mektepterdi qarjylandyrý júıesi bytyrańqy ári baqylaýsyz bolǵany, bul derekterdiń burmalanýyna jáne bıýdjet qarajatyn teris paıdalanýǵa jaǵdaı týǵyzǵany atap ótildi. Osyǵan baılanysty ótken jyldyń sońynan beri qarjylandyrý barlyq kezeńniń ashyqtyǵy men avtomattandyrylýyn qamtamasyz etetin Orta-bilim.e-qazyna sıfrlyq platformasyna aýystyryldy, bul qazirgi kezeńde jańa tásildiń tıimdiligin rastady ári qarajatty josyqsyz paıdalaný táýekelderin barynsha azaıtýǵa múmkindik beredi.
Qazaqstanda jekemenshik mektepterge qoıylatyn talaptar kúsheıedi
Qarjy mınıstrligi jekemenshik mektepterdi qarjylandyrýǵa júrgizgen aýdıt barysynda birqatar zańbuzýshylyqty anyqtady. Olardyń ishinde:
- mektepter arasynda birneshe ret aýystyrý jáne tirkelý arqyly oqýshylar sanyn kóbeıtý;
- ǵımarattardyń naqty syıymdylyǵyn esepke almaı oqýshy oryndarynyń sanyn negizsiz asyra baǵalaý (normatıvtik syıymdylyqtan 3 ese asyp ketý);
- bıýdjettik qarjylandyrý alý jáne sol arqyly salyq tólemderin azaıtý úshin salyq eseptiliginde kiristi kem kórsetý arqyly eselengen paıda alý;
- kúrdeli jóndeýdiń ornyna aǵymdaǵy jáne kosmetıkalyq jóndeý júrgizý (jobalaý jáne smetalyq qujattamasy bolmaǵan jaǵdaıda) anyqtaldy.
