Qala bıligi ǵımaratqa júrgizilgen tehnıkalyq tekserý nátıjesinde tirek qurylymdary men ınjenerlik jelileriniń ábden tozǵanyn anyqtap, dáleldep shyqty. О́rt qaýipsizdigi, jeldetý, gıdrooqshaýlaý júıeleri qazirgi zaman talaptaryna saı emes, sondaı-aq naýqastardy tasymaldaýǵa arnalǵan jedel saty bolmaǵan.
Jer telimi tektonıkalyq syzat aımaǵynda ornalasqanyna qaramastan, ǵımaratta birde-bir ret seısmıkalyq kúsheıtý jumystary júrgizilmegen. Ǵımarattyń seısmıkalyq normalar talaptaryna sáıkes kelmeıtini jóninde QazQSǴZI-diń tıisti qorytyndysy bar.
Perzenthana zamanaýı medısınalyq kómek kórsetý standarttaryna da saı emes. Atap aıtqanda, qabyldaý bóliminde shuǵyl ota jasaıtyn zal bolmaǵan, pasıentterdi triage (suryptaý) júıesimen qabyldaýǵa jaǵdaı jasalmaǵan, operasııalyq blok pen reanımasııada ınfeksııalyq baqylaýǵa arnalǵan arnaıy úı-jaılar qarastyrylmaǵan.
Ǵımarattyń irgetasyn kúsheıtý múmkin emes, kúrdeli jóndeý men ony ustaý ekonomıkalyq turǵydan tıimsiz dep tanylǵandyqtan, 1938 jylǵy ǵımaratty súrip, onyń ornyna jańasyn salý týraly sheshim qabyldandy.
Aqtóbedegi perzenthanada jańa týǵan náresteni satyp jibergen
Jobaǵa sáıkes, jalpy aýmaǵy 10 myń sharshy metrden asatyn úsh qabatty jańa ǵımarat salynady. Jańa perzenthana 155 orynǵa eseptelgen. Zamanaýı palatalar ana men balaǵa jaıly jaǵdaı jasap, energııa únemdeıtin tehnologııany engizý paıdalaný shyǵyndaryn azaıtýǵa múmkindik beredi.
Qabyldaý bóliminde shuǵyl ota jasaıtyn bólme qarastyrylǵan, bul kezek kúttirmeıtin kómekti kidirissiz kórsetýge jol ashady. Operasııalyq zaldardyń jalpy sany ekiden tórtke deıin artady. Sondaı-aq, qabyldaý bóliminiń múmkindigi de táýligine eki esege artady.
Jańa korpýs paıdalanýǵa berilgennen keıin kórsetiletin medısınalyq qyzmet sany jylyna 11 myńnan 14 myńǵa deıin ósip, bosanatyndar sany 5 myńnan 9 myńǵa deıin kóbeıedi degen jospar bar. Jańa ǵımarat akýsherlik, perınataldyq kómek pen jańa týǵan nárestelerge kútim jasaý salasynda ınnovasııa men ozyq medısınalyq tehnologııany, dáleldi medısınalyq tásilderdi engizýge múmkindik beredi.
Qurylys jumystaryn kelesi jyldyń naýryz aıynda aıaqtaý josparlanǵan. Degenmen, osy aralyqta perzenthana jumysyn toqtatpaıdy – barlyq bólimshe ýaqytsha Seıfýllın dańǵylyndaǵy «A» blogyna ornalastyrylady.
