Foto: Turizm jane sport ministrligi
Qazaqstan qysqy Olımpıadaǵa toǵyzynshy márte qatyspaq. Ulttyq qurama sapynan Italııadaǵy dodada jalpy sany 36 sportshy (18 er, 18 áıel) el namysyn qorǵaıdy. Salystyraıyq 2022 jyly Qytaıdyń Beıjiń qalasynda ótken qysqy Olımpıadaǵa Qazaqstan atynan 34 sportshy (17 er, 17 áıel) baq synaǵan.
XXV qysqy Olımpııa oıyndarynda Qazaqstan namysyn qaı óńirden neshe sportshy qorǵaıtyny málim boldy. Qysqy sport túrleri negizinen soltústik jáne shyǵys óńirlerde jaqsy damyǵan. Degenmen, ońtústik aımaqtardan da sportshylar qatyspaq.
Qysqy Olımpıadaǵa eń kóp sportshyny Almaty qalasy men Aqmola oblysy usynyp otyr. Almatydan Mılanǵa 4 sport túrinen 6 sportshy attanady. Al Aqmoladan 2 sport túrinen 6 sportshy barady.
Olımpıada-2026: Frıstaıl-akrobatıkadan el namysyn kimder qorǵaıdy?
Týrızm jáne sport mınıstrliginiń málimetinshe, keıingi oryndarǵa Shyǵys Qazaqstan, Almaty oblystary, sondaı-aq Astana jáne Shymkent qalalary jaıǵasqan. Shyǵys Qazaqstan oblysy men Shymkent qalasynan 1 sport túrinen 4 sportshydan qatyssa, Astana qalasynan 3 sport túrinen 4 sportshy, Almaty oblysynan 4 sportshy 2 sport túrinen óner kórsetedi. Sondaı-aq Pavlodar oblysynan 3 sportshy (3 sport túri), Qostanaı oblysynan 2 sportshy (1 sport túri) jáne Soltústik Qazaqstan, Qaraǵandy, Abaı oblystarynan 1 sportshy (1 sport túri) saıysady.
Qysqy Olımpıada: Taý shańǵysy sportynan el namysyn kimder qorǵaıdy?
